Մասուր․ օգտակար հատկություններն ու հակացուցումները

Մասուր․ օգտակար հատկություններն ու հակացուցումները

Մասուրը վաղուց է հայտնի իր բուժիչ հատկություններով և լայնորեն կիրառվում է ինչպես ժողովրդական, այնպես էլ պաշտոնական բժշկության մեջ։ Պարունակում է վիտամին A, C (ավելի շատ, քան կիտրոնն ու հաղարջը), Е, К, РР, ինչպես նաև B խմբի վիտամիններ, կիտրոնաթթու և խնձորաթթու, եթերային յուղեր, շաքար, դաբաղանյութեր, պեկտիններ, կալցիում, կալիում, պղինձ, երկաթ, մանգան, նատրիում, ֆոսֆոր, կոբալտ, քրոմ, մոլիբդեն և օգտակար այլ նյութեր։

Օգտակար հատկությունները

Մասուրը վարակիչ և բորբոքային հիվանդությունների կանխարգելման հրաշաի միջոց է։

Բարձրացնում է իմունիտետը, ամրացնում օրգանիզմը։

Օգտակար է ավիտամինոզների ժամանակ, քանի որ հարուստ է բազմաթիվ վիտամիններով։

Ամրացնում է անոթային համակարգը, օգտակար է աթերոսկլերոզի և սակավարյունության դեպքում։

Կարգավորում է արյան ճնշումը։ Թուրմը նվազեցնում է ճնշումը, իսկ սպիրտով թուրմը՝ բարձրացնում այն։

Նվազեցնում է օնկոլոգիական հիվանդությունների առաջացման վտանգը։

Բարենպաստ ազդեցություն է ունենում մարսողական համակարգի վրա, օգնում է օրգանիզմն ազատել խարաններից։

Արագացնում է վերականգնումը, նպաստում է վերքերի ապաքինմանը և կոտրվածքների կպնելուն։

Ցուցված է ավելորդ քաշ ունեցող մարդկանց։

Հակացուցումները

Մասուրն ու մասուրի թուրմը լուրջ հակացուցումներ ունեն, այդ պատճառով օգտագործելուց առաջ պետք է խորհրդակցել բժշկի հետ։ Սպիրտային թուրմը հակացուցված է հիպերտոնիա ունեցող մարդկանց, իսկ սովորական թուրմը՝ հիպոտոնիկներին։

Քանի որ մասուրը բարձրացնում է արյան մակարդելիությունը, հակացուցված է թրոմբոֆլեբիտ, թրոմբոգոյացման հակվածություն, էնդոկարդիտ, սրտային անբավարարություն և սրտի այլ հիվանդություններ ունեցող մարդկանց։

Հակացուցված է նաև խոցի և գաստրիտի դեպքում։ Մասուրի թուրմ կամ այլ պատրաստութներ ընդունելուց հետո հարկավոր է ողողել բերանը, քանի որ նրանում պարունակվող թթուները կարող են քայքայել ատամների էմալը։

Ի՞նչ կպատահի, եթե թթված կաթ կամ ժամկետանց կեֆիր խմեք

Ի՞նչ կպատահի, եթե թթված կաթ կամ ժամկետանց կեֆիր խմեք

Թարմ կաթը գործնականում զերծ է բակտերիաներից

Աղիքների համար օգտակար 10 մթերքներ

Աղիքների համար օգտակար 10 մթերքներ

Նստակյաց ապրելակերպը և ոչ ճիշտ սննդակարգը հաճախ բացասաբար են անդրադառնում մարսողական համակարգի վրա: Կարող եք բարելավել իրավիճակը՝ փոփոխելով ձեր սննդակարգը

Սննդակարգը փորկապության դեպքում. օգտակար և վնասակար մթերքները

Սննդակարգը փորկապության դեպքում. օգտակար և վնասակար մթերքները

Փորկապությունը տարածված խանգարում է, որը նկատվում է բոլոր տարիքային խմբերի տղամարդկանց ու կանանց մոտ

Ինչո՞ւ և որքա՞ն ուտել հացահատիկի թեփ

Ինչո՞ւ և որքա՞ն ուտել հացահատիկի թեփ

Թեփը ստանալու համար մանրացնում են հացահատիկը։ Այն ներառում է վիտամիններ՝ PP, B1, B2, E, երկաթ, մագնեզիում, ցինկ, կալիում և այլ օգտակար հանքային տարրեր: