Թրոմբոցիտոպենիան հղիության դեպքում

Թրոմբոցիտոպենիան հղիության դեպքում

Թրոմբոցիտոպենիան ախտաբանական վիճակ է, որի դեպքում արյան մեջ կտրուկ պակասում է թրոմբոցիտենրի քանակը։ Հենց թրոմբոցիտներն են նպաստում արյան մակարդմանը, և դրանց քանակի նվազման դեպքում արյունը լավ չի մակարդվում, նշանակում է, որ ցանկացած վնասվածք կամ քերծվածք կարող է հանգեցնել արյան կորստի։

Պատճառները

Հնարավոր է, որ հղիության ընթացքում անոմալիան պայմանավորված լինի ֆիզիոլոգիական պրոցեսներով։ Սովորաբար հանդիպում է հղիության վերջին շաբաթների ընթացքում, առանց կլինիկական պատկերի։ Իսկ այ ախտաբանական թրոմբոցիտոպենիան կարող է զարգանալ ցանկցած եռամսյակում և կարող է ախտանշաններ ունենալ ու վտանգել մոր ու պտղի կյանքը։

Ախտաբանական թրոմբոցիտոպենիայի պատճառներն են՝

  • հորմոնային վերակառուցում, որ կրճատում է թրոմբոցիտների կյանքը, 
  • արյան հոսքի մեծացումը, 
  • B12 վիտամինի և ֆոլատի պակաս, 
  • վիրուսային-բորբոքիչ հիվանդությունները հղիության ընթացքում, 
  • ալերգիաներ,
  • աուտոիմուն խանգարումներ, 
  • օրգանիզմի թունավորում, 
  • ընկերքի շերտազատում և մանկաբարձական այլ արյունահոսություն, 
  • ժառանգական գործոն և գենետիկ մուտացիաներ և այլն։ 

Ախտանշանները

Եթե հղիության ընթացքում կինը արյան ընդհանուր անալիզ չի հանձնել, որի միջոցով պարզ երևում է խնդիրը, ապա հնարավոր է թրոմբոցիտոպենիան հայտնաբերել ըստ հետևյալ բնորոշ ախտանշանների՝

  • արգանդային արյունահոսություն, 
  • թութքային հանգույցների կամ անալային ճաքերի արյունահոսություն, 
  • էկխիմոզներ՝ մանր արյունազեղումներ ոտքերին, որովայնին և կրծքավանդակին, 
  • քթային արյունահոսություն, 
  • կապտուկների առաջացում անգամ թույլ դիպչելուց և առհասարակ չդիպչելուց և այլն։ 

Ախտորոշումը

Ախտորոշումն իրականացվում է արյան ընդհանուր և քիմիական հետազոտության, արյան՝ աուտոհակամարմինների հայտնաբերման հետազոտության, մակարդելիության գործոնի որոշման հետազոտության միջոցով։

Բարդությունները

Եթե թրոմբոցիտոպենիան աուտոիմունային է լինում, ապա հակամարմիններն ընկերքի միջոցով անցնում են պտղի արյան մեջ և նորածնի թրոմբոցիտոպենիա է զարգանում։ Նրանց համար այդ խիստ վտանգավոր է, քանի որ սպառնում է ներգանգային արյունազեղմամբ և վաղաժամ մահվամբ։

Բուժումը

Հարկավոր է պարբերաբալ այցելել հղիությունը վարող բժշկին և կատարել նրա բոլոր հանձնարարություններն ու ընդունել նշանակած պրեպարատները։ Չի կարելի ինքնաբուժությամբ զբաղվել, խորհուրդ չի տրվում նաև դիմել ժողովրդական բժշկության միջոցներին։ Բուժումն ուղղված է լինում հիմնական հիվանդության բուժմանն ու հեմոստազի պահպանմանը։ Դեղորայքային բուժումը հնարավոր է դառնում հղիության երկրորդ և երրորդ եռամսյակներում։

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար