Անձնական հիգիենան սպորտով զբաղվելու դեպքում

Անձնական հիգիենան սպորտով զբաղվելու դեպքում

Ֆիզիկական ակտիվությունն ամրացնում է իմունային համակարգը և ամուր առողջության գրավականն է, սակայն մարզումների ընթացքում հիգիենայի կանոնների խախտումը կարող է հանգեցնել լուրջ խնդիրների։

Մարզումների ընթացքում զգալիորեն ուժեղանում է քրտնարտադրությունը, ինչը նպաստավոր պայմաններ է ստեղծում հիվանդածին մանրէների բազմացման, սնկերի և տարատեսակ վարակների առաջացման համար։

Անձնական հիգիենայի կանոններ

Եթե մարմնի վրա փոքրիկ բաց վերքեր ու քերծվածքներ կան, հարկավոր է մանրէազերծել և պաշտպանիչ սպեղանի դնել վրան։

Աղջիկներին խորհուրդ է տրվում մարզվելուց առաջ մաքրել դեկորատիվ կոսմետիկան, որպեսզի մաշկը լավ շնչի։

Ցանկալի է մարզվելուց առաջ ցնցուղ ընդունել, հատկապես երեկոյան մարզվելու դեպքում, երբ մաշկը բավականին աղտոտված է լինում։ Չլողանալու դեպքում հնարավոր է, որ բարձր քրտնարտադրությունը հանգեցնի ավելի մեծ աղտոտվածության, ինչը կարող է մաշկի ցանավորում և գրգռվածություն առաջացնել։

Ցնցուղ ընդունելիս անպայման ռետինե հողաթափ հագեք։

Եթե մարզվում եք ընդհանուր օգտագործման մարզասարքերով, ապա անձնական սրբիչ վերցրեք և փռեք այն հատվածներում, որոնց դիպչում է մաշկը (հատկապես երեսի դեպքում)։

Որպեսզի նվազեցնեք մաշկի շփումն անցանկալի մակերեսներին, փակ մարզահագուստ ընտրեք։

Մարզվելուց հետո հարկավոր է ցնցուղ ընդունել և լվանալ գլուխը։ Ցանկալի է հակամանրէային օճառ օգտագործել և լողանալ գոլ ջրով։

Սպորտային հագուստի և կոշկեղենի հիգիենան

Սպորտով պետք է զբաղվել հատուկ հագուստ, սպիտակեղեն և կոշիկ կրելով։ Հագուստը պետք է համապատասխանի մարմնի չափսերին, չպետք է նեղ կամ լայն լինի։

Հարկավոր է բնական գործվածքից կարված մարզահագուստ ընտրել։

Յուրաքանչյուր մարզումից հետո հարկավոր է լվանալ հագուստը, իսկ կոշիկը օդափոխման դնել։

Եթե սպորտի այնպիսի տեսակով եք զբաղվում, որի համար հատուկ մշակված հագուստ ու կոշիկ կա, ավելի լավ է ընտրել դրանք (վազքի, քայլելու, թենիսի, բասկետբոլի կոշիկներ և այլն)։ Այդ կնվազեցնի վնասվելու հավանականությունը, կօգնի մեծացնել մարզման արդյունավետությունը և հարմարավետություն կապահովի։

Ինչպե՞ս պաշտպանվել վարակներից օրալ սեռական հարաբերության ընթացքում

Ինչպե՞ս պաշտպանվել վարակներից օրալ սեռական հարաբերության ընթացքում

Սեռական վարակներով հնարավոր է վարակվել նաև օրալ սեռական հարաբերության ժամանակ, ուստի պաշտպանությունը միշտ անհրաժեշտ է

Սխալ պատկերացումներ դաշտանի մասին, որոնցից ազատվելու ժամանակն է

Սխալ պատկերացումներ դաշտանի մասին, որոնցից ազատվելու ժամանակն է

Դաշտանը օրգանիզմը մաքրելու միջոց է Իրականում օրգանիզմը ոչ մի մաքրման կարիք չունի, և ոչ մի տոքսին չի հեռացվում դաշտանի միջոցով

Ամեն ինչ դաշտանի մասին. տարածված հարցերի պատասխաններ

Ամեն ինչ դաշտանի մասին. տարածված հարցերի պատասխաններ

Եթե որովայնը ցավում է դաշտանի ժամանակ, դա նորմա՞լ է

Ցածր լիբիդո. պատճառները

Ցածր լիբիդո. պատճառները

Լիբիդոյի կորուստը տարածված խնդիր է, որին բախվում է յուրաքանչյուր հինգերորդ տղամարդ և շատ կանայք՝ կյանքի ինչ-որ փուլում