Վիտամին D․ դերն օրգանիզմում

Վիտամին D․ դերն օրգանիզմում

Վիտամին D-ն՝ կալցիֆերոլ, մարդու օրգանիզմին անհրաժեշտ կարևորագույն վիտամին է։ Հիմնական աղբյուրն արևի ճառագայթներն են (ուլտրամանուշակագույն ճառագայթներ), սակայն քիչ քանակությամբ օրգանիզմ է ներթափանցում նաև որոշ սննդամթերքների միջոցով։

Հանդիպում է մի քանի ձևով՝ D1, D2, D3, D4, D5 և D6, կայուն է բարձր ջերմաստիճանի հանդեպ և չի լուծվում ջրում։

Ինչո՞ւ է անհրաժեշտ օրգանիզմին

Օրգանիզմում հիմնական դերը ֆոսֆորի և կալցիումի ճիշտ յուրացումն ապահովելն է։

Խիստ կարևոր է վաղ մանկական տարիքում, քանի որ կանխում է ռախիտի առաջացումը։

Կանխում է նաև օնկոլոգիական հիվանդությունների առաջացումը։

Նպաստում է իմունային համակարգի ամրապնդմանը։

Կարևոր է վահանաձև գեղձի բնականոն աշխատանքի համար։

Ազդում է նաև մաշկի վիճակի վրա։

Նրանից է կախված մկանային հյուսվածքի աշխատունակությունը։

Օգնում է պաշտպանվել քրոնիկ հոգնածությունից և տրամադրության անկումից։

Դրականորեն է ազդում նյարդային համակարգի վրա։

Փոխազդեցությունն այլ նյութերի հետ

Վիտամին D-ն ճարպալույծ նյութ է, հետևաբար նրա բնականոն յուրացման համար օրգանիզմը բավականաչափ ճարպ պետք է ստանա։

Որպեսզի այն սինթեզվի օրգանիզմում կամ լավ յուրացվի սննդից, ապա օրգանիզմը պետք է նաև բավականաչափ կալցիում, ֆոսֆոր, վիտամին A, E, C և B խմբի վիտամիններ ստանա։

D վիտամինի ավելցուկի դեպքում հնարավոր է, որ դժվարանա երկաթի յուրացումը։

Օրգանիզմի օրական պահանջը

Վիտամին D-ի օրական պահանջը կախված է մարդու տարիքից ու ֆիզիկական վիճակից և կազմում է 5-10 մգ։ Պահանջը մեծանում է մանկական տարիքում, հղիության և կրծքով կերակրման շրջանում։

Վիտամին D պարունակող սննդամթերքներ

Պարունակվում է ծովամթերքում, կարմիր խավիարում, ծովային ճարպոտ ձկնատեսակներում։ Մեծ քանակությամբ առկա է նաև հավի, տավարի ու խոզի լյարդում։ Ձվի դեղնուցը նույնպես որոշակի քանակությամբ վիտամին D է պարունակում։ Առկա է նաև պանրում, սերուցքային կարագում, թթվասերում և կաթնամթերքի այլ տեսակներում։

Վիտամինի անբավարարությունն օրգանիզմում

Երեխաների օրգանիզմում վիտամին D-ի պակասը դրսևորվում է ռախիտի առաջացմամբ։ մեծահասակների դեպքում դրսևորվում է թուլությամբ, ախորժակի անկմամբ, քաշի անկմամբ, օստեոպորոզի, քրոնիկ հոգնածության առաջացմամբ, տեսողության վտացմամբ և այլ նշաններով։

Վիտամինի ավելցուկն օրգանիզմում

Վիտամինի ավելցուկը նույնքան վտանգավոր է, որքան պակասը։ Արտահայտվում է թուլությամբ, սրտխառնոցով, փորկապությամբ, մկանային ցավով և այլ երևույթներով։

Ի՞նչ կպատահի, եթե թթված կաթ կամ ժամկետանց կեֆիր խմեք

Ի՞նչ կպատահի, եթե թթված կաթ կամ ժամկետանց կեֆիր խմեք

Թարմ կաթը գործնականում զերծ է բակտերիաներից

Աղիքների համար օգտակար 10 մթերքներ

Աղիքների համար օգտակար 10 մթերքներ

Նստակյաց ապրելակերպը և ոչ ճիշտ սննդակարգը հաճախ բացասաբար են անդրադառնում մարսողական համակարգի վրա: Կարող եք բարելավել իրավիճակը՝ փոփոխելով ձեր սննդակարգը

Սննդակարգը փորկապության դեպքում. օգտակար և վնասակար մթերքները

Սննդակարգը փորկապության դեպքում. օգտակար և վնասակար մթերքները

Փորկապությունը տարածված խանգարում է, որը նկատվում է բոլոր տարիքային խմբերի տղամարդկանց ու կանանց մոտ

Ինչո՞ւ և որքա՞ն ուտել հացահատիկի թեփ

Ինչո՞ւ և որքա՞ն ուտել հացահատիկի թեփ

Թեփը ստանալու համար մանրացնում են հացահատիկը։ Այն ներառում է վիտամիններ՝ PP, B1, B2, E, երկաթ, մագնեզիում, ցինկ, կալիում և այլ օգտակար հանքային տարրեր: