Իմբիր կամ կոճապղպեղ․ հրաշագործ միջոց

19.01.20189963

Իմբիրը (Հայերեն այլ անվանումներն են` կոճապղպեղ, տաքկոճ, կոճ պղպեղ, սնգրվեղ, զանճաֆիլ (ըստ Ա. Ամասիացու) դեռևս հին ժամանակներից է հայտնի որպես անուշահոտ, սուր համով ու բուժիչ եզակի հատկություններով օժտված մթերք։

Կոճապղպեղի օգտակար հատկությունները

Իմբիրն ամրապնդում է օրգանիզմի դիմադրողական համակարգը և լավացնում է ընդհանուր ինքնազգացողությունը։

Օժտված է հակաբորբոքային, քրտնաբեր, խորխաբեր ու տաքացնող հատկություններով, այդ պատճառով էլ շատ օգտակար է գրիպի և հարբուխի բուժման ու կանխարգելման հարցերում։

Օգնում է կարգավորել արյան շրջանառությունը և նպաստում է արյան մաքրմանը, խոլեստերինի մակարդակի նվազմանը, ամրացնում է սրտամկանը և անոթների պատերը։

Օնկոլոգիական հիվանդությունների կանխարգելման հրաշալի միջոց է։

Իմբիրը լավացնում է ամբողջ մարսողական համակարգի աշխատանքը և լավացնում է ախորժակը։

Օգնում է օրգանիզմից դուրս բերել խարաններն ու թունավոր նյութերը։

Իմբիրն ունակ է չեզոքացնել բազմաթիվ թույներ, այդ պատճառով էլ թունահարումների դեպքում կրկին հրաշալի միջոց է։

Նպաստում է օրգանիզմում նյութափոխանակության արագացմանը։

Հրաշալի օգնական է ավելորդ քաշի դեմ պայքարողների համար։

Վերացնում է բերանի տհաճ հոտը և նպաստում բերանի խոռոչի հիվանդությունների բուժմանը։

Կոճապղպեղն օգնում է նաև սրտխառնոցի, հղի կանանց տոքսիկոզի և տրանսպորտում գլխապտույտի դեմ։

Օժտված է ցավազրկող հատկությամբ։

Օգնում է արթրոզների և արթրիտների դեպքում։

Իմբիրը նաև աֆրոդիզիակ է, նպաստում է սեռական հակման բարձրացմանը։

Օգնում է հաղթահարել դաշտանային ցավը։

Իմբիրն օգտագործում են նաև մաշկային հիվանդությունների բուժման ընթացքում։

Այն լավացնում է տրամադրությունը, օգնում հանգստանալ և ազատվել սթրեսից։

Դանդաղեցնում է օրգանիզմի ծերացմանը գործընթացները։

Լավացնում է հիշողությունը։

Կոճապղպեղի հակացուցումները

Մասնագետները կարծում են, որ իմբիրը լիովին անվնաս է օրգանիզմի համար, սակայն հազվադեպ կարող է ալերգիկ ռեակցիաներ առաջացնել և կողմնակի ազդեցություն ունենալ՝ այրոց, փորկապություն և այլն։ Բացի այդ՝ հիշեք, որ անգամ ամենաօգտակար մթերքը չափից շատ օգտագործելու դեպքում կարող է վնասել։