Օգտակար սովորություններ առողջ ապրելակերպի համար

15.12.20179380

Առողջ լինելու համար կարելի է փոքր խորամանկություններ մտցնել կյանք, որոնք հետագայում մեծ օգուտ կտան։

Օգտակար սովորություններ առողջ քնի համար

Ճիշտ ընպելիք։ Սուրճը լավ միջոց է օրն առույգ սկսելու համար, սակայն շատ խմելու դեպքում այն կարող է գրգռել նյարդային համակարգը, բացասաբար ազդել քնի վրա և սպառել օրգանիզմի ռեսուրսները։ Օրվա երկրորդ կեսին փորձեք սուրճի փոխարեն անանուխով թեյ խմել, որը ոչ միայն դրականորեն կազդի նյարդային համակարգի վրա, այլև կնպաստի հանգիստ ու որակյալ քնին։

Գրգռիչների բացակայություն։ Գիշերվա ընթացքում լույսը խանգարում է քունը, այդ պատճառով քնելուց առաջ անջատեք հեռախոսը, համակարգիչը, հեռուստացույցը, այն բոլոր սարքերը, որոնք անգամ փոքր լույս են արձակում, խուսափեք նաև լուսավոր թվերով զարթուցիչներից։

Օրվա ռեժիմ սահմանեք։ Նախքան քնելը հանգստացնող ծես, րիտուալ արեք։ Այն պայմանական ռեֆլեքս կձևավորի, և ավելի արագ կքնեք։ Փորձեք խաղաղեցնող երաժշտություն լսել, բնության ձայներ, անկողնու սնարին հանգստացնող խոտաբույսերով (լավանդա, երիցուկ, լադան և այլն) բարձիկ կախեք, լարվածությունը թուլացնող վաննա ընդունեք։

Օգտակար սովորություններ սնվելու համար

Պլանավորում։ Պլանավորեք, թե ինչ եք ուտելու։ Այդ սնունդը բազմազան դարձնելու ամենապարզ և արդյունավետ միջոցներից է։ Հանգստյան օրերին ամբողջ շաբաթվա համար առևտուր արեք և կազմեք ձեր յոթ օրվա մենյուն։

Փոխարինում։ Հրուշակեղենը փոխարինեք հատապտուղներով, ընկուզեղենով, մեղրով յոգուրտով կամ մածունով։ Յոգուրտում պարունակվող սպիտակուցները կօգնեն կանոնավորել արյան մեջ շաքարի մակարդակը, հագեցածության զգացողություն կհաղորդեն և չեն նպաստի գիրանալուն։ Վնասակար, ճարպոտ մթերքները կարելի է փոխարինել համանման համով առողջ մթերքների հետ, օրինակ՝ շաքարավազը փոխարինեք մեղրով, ճարպոտ միսը՝ հնդկահավի մսով և այլն։

Օգտակար սովորություններ մարմնի համար

Ֆիտնես տանը։ Հնարավորինս շատ աշխատեք տանն ու այգում, այդ գործողություններն իրականում ֆիզիկական հրաշալի վարժություններ են։ Հաճախ լվացեք ամանները (աման լվացող սարքն օգտագործելու փոխարեն), հատակը և այլն։

Կքանստումներ։ Նկատե՞լ եք, որ երեխաները խաղալիս հաճախ են կքանստում, որպեսզի վերցնեն խաղալիքը։ Իսկ այ մեծահասակները հազվադեպ են նույնն անում, չնայած որ շատ օգտակար է։ Օրական տասն անգամ կքանստեք։ Այդ վարժությունը շատ արդյունավետ է և այրում է որովայնի խոռոչի ու ոտքերի ճարպերը։ Գլուխն ու մեջքը պետք է ուղիղ պահել, իսկ ոտքերը՝ ամբողջությամբ ծալել։