Ինչպե՞ս կանխել մաստիտի և լակտոստազի առաջացումը

14.12.20179877

Կրծքով կերակրման շրջանում հաճախ հանդիպող խնդիրներից է մաստիտը, որի առաջացման պատճառները մի քանիսն են։ Մաստիտի և լակտոստազի մշտական ուղեկիցը մարմնի բարձր ջերմաստիճանն է, կաթնագեղձերի այտուցվածությունն ու ցավը, ինչպես նաև փափուկ հյուսվածքներում կոշտուկների առկայությունը։

Կարդացեք՝ Մաստիտ 

Կաթնագեղձերում կաթի կանգային պրոցեսը կանխելու համար խորհուրդ է տրվում՝

  • պահպանել կրծքով կերակրման կանոնները և երեխային ճիշտ մոտեցնել կրծքին, 
  • կրել ազատ, կուրծքը չսեղմող ներքնաշոր կամ էլ հատուկ կրծքկալ, որը ճիշտ դիրքում է պահում կուրծքը,
  • կրծքում կաթի կանգի առաջին իսկ ախտանշանների ի հայտ գալուն պես խորհուրդ է տրվում երեխային կերակրել հենց այդ նույն կրծքով, 
  • պետք է կերակրել նախ մի կրծքով, հետո մյուսով, հերթականությամբ, 
  • խորհուրդ է տրվում կերակրման ընթացքում փոխել երեխայի դիրքը, 
  • լակտացիայի սկզբից մեկ ամիս անց կաթը ֆիզիոլոգիապես շատ է արտադրվում, ուստի հարկավոր է նաև կթել, 
  • կաթնագեղձերը պաշտպանել վնասվելուց, 
  • եթե կերակրող մայրն ստիպված է չորս ժամ և ավել բացակայել, ապա անհրաժեշտ է կթել կաթը, 
  • խորհուրդ է տրվում աստիճանաբար դադարեցնել կրծքով կերակրումը։

Կրծքի մերսում

Մաստիտի կանխարգելման արդյունավետ միջոց է ինքնամերսումը։ Մերսումից առաջ հարկավոր է լողանալ և չորացնել կուրծքը։ Կարելի է դեղձի կամ ձիթապտղի յուղ օգտագործել, որպեսզի շփումը ցավ չպատճառի։ Խորհուրդ է տրվում յուրաքանչյուր կուրծքը մերսել երկու ձեռքով։

Մերսումը պետք է սկսել ծայրամասից դեպի կենտրոն՝ պտուկը, շրջանաձև շարժումներով։ Խորհուրդ է տրվում մերսումը կատարել առավոտյան և երեկոյան, տասը րոպեից ոչ ավել։

Հեղուկի պակասեցումը լակտոստազի կանխարգելման միջոց չէ։ Եթե կաթը չափից շատ է արտադրվում, ապա այդ պրոցեսը կարելի է դադարեցնել հատուկ դեղամիջոցների օգնությամբ, որոնք ընտրում է միայն բժիշկը։

Բուժումը

Խորհուրդ է տրվում յուրաքանչյուր կերակրումից հետո փոքր քանակությամբ կաթ կթել։ Կերակրման ընթացքում երեխայի կզակը պետք է դիպչի կանգի առաջացման հատվածին։

Դեղորայքային բուժում

Տեղային օգտագործման համար կարելի է մալավիտի լուծույթ և տրաումելի մազ օգտագործել, վերջինս բացառապես բնական բաղադրիչներից է կազմված։

Խորհուրդներ

  • Անգամ կաթի կանգի ախտանշանների ի հայտ գալու դեպքում չարժե դադարեցնել կրծքով կերակրումը։ 
  • Խուսափեք կաթնագեղձերի գերտաքացումից՝ բուժման նպատակով չկիրառելով բարձր ջերմաստիճան։ 
  • Չպակասեցնեք ջրի քանակը։ 
  • Մաստիտի առաջին ախտանշանները նկատելուն պես դիմեք բժշկի, որը հետազոտելուց հետո համապատասխան բուժում կնշանակի։