Ինչո՞ւ չի հաջողվում հղիանալ

Ինչո՞ւ չի հաջողվում հղիանալ

Ոչ միշտ է հղիանալու համար բավարար ձվազատման օրն օրացույցով հաշվելը կամ այն հիմքային ջերմաստիճանի գրաֆիկով պարզելը։ Բազմաթիվ զույգեր, որոնք առողջ են և կարող են երեխա ունենալ, ամիսներ շարունակ երեխա են պլանավորում՝ հաշվելով բեղմնավորման համար բարենպաստ օրերը, սակայն այնդպես էլ չի հաջողվում հղիանալ։ Որո՞նք են հավանական պատճառները։

Ի՞նչն է խանգարում հղիանալուն

Սթրես՝ չհղիանալու հաճախ հանդիպող պատճառ։ Շարունակական դյուրագրգիռ ու անհանգիստ վիճակը, «ե՞րբ եմ վերջապես հղիանալու» բնույթի մտքերը լարվածություն են առաջացնում՝ խոչընդոտելով հղիանալուն։ Սովորեք հանգստանալ, թուլանալ։ Այդ հարցում կօգնեն արոմաթերապիան, աուտոթրեյնինգը կամ մեդիտացիան, հանգստացնող բուսական միջոցները։

Գիրություն կամ չափազանց նիհարություն։ Ավելորդ քաշը հաճախ ուղեկցվում է հորմոնային խանգարումներով: Մարմնի փոքր քաշը նույնպես կարող է ամենորեա և ձվազատման բացակայություն առաջացնել։ Քաշի հետ կապված խնդիրների դեպքում խորհուրդ է տրվում դիմել էնդոկրինոլոգի։

Սնունդ։ Հնարավոր է, որ չի հաջողվում հղիանալ օրգանիզմում ֆոլաթթվի և վիտամին E-ի պակասի պատճառով։ Ավելի շատ կանաչեղեն և բանջարեղեն, ձիթապտղի ձեթ և հատիկավորներ կերեք, օգտակար կլինի նաև պոլիվիտամինների կուրսը։ Խուսափեք հավելանյութերով և գունանյութերով սննդամթերքներից։

Վնասակար սովորություններ։ Ալկոհոլն ու նիկոտինը թունավոր նյութեր են և շարունակաբար օգտագործման դեպքում կուտակվում են օրգանիզմում։ Ներգործելով նյարդային և էնդոկրին համակարգի վրա՝ խախտում են հորմոնային հավասարակշռությունը և խոչընդոտում հղիանալուն։ Բացի այդ, տղամարդկանց դեպքում նիկոտինը նվազեցնում է սերմնաբջիջների շարժունակությունը։

Դեղորայքը, հատկապես՝ հակաբիոտիկներն ու հակահիստամինային միջոցները թույլ չեն տալիս, որ ձվաբջիջը հասունանա, իսկ որոշներն էլ զգալիորեն նվազեցնում են սերմի քնակն ու որակը։

Եթե կանոնավոր սեռական կյանքի դեպքում չի հաջողվում հղիանալ մեկ տարվա ընթացքում, ապա հարկավոր է դիմել բժշկի և մի շարք հետազոտություններ կատարել։

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար