Մեջքի ցավ. հղիություն

Մեջքի ցավ. հղիություն

Հղիությանը համընթաց օրգանիզմում այնպիսի մեխանիզմներ են ակտիվանում, որ հիմնովին փոխում են օրգանների աշխատանքը, ազդում կնոջ ինքնազգացողության և արտաքին տեսքի վրա։ Մեջքի և գոտկատեղի ցավը հաճախ հանդիպող խնդիրներից է։ Ընդ որում՝ այն կարող է սկսվել ոչ միայն հղիության վերջին ամիսներին, այլև հենց սկզբներին։ Ինչու՞ է ցավում, պե՞տք է անհանգստանալ։

Արգանդի պատին ձվաբջջի ամրանալուն պես օրգանիզմում հորմոնային փոփոխություններ են սկսվում։ Մեծ քանակությամբ պրոգեստերոն է արտադրվում, ինչը նվազեցնում է մկանների տոնուսը, սկսում է ռելաքսին արտադրվել, որը թուլացնում է հոդերը։ Այդ ամենը հանգեցնում է այն բանին, որ անշարժ հոդերն սկսում են թուլանալ՝ գոտկատեղի և մեջքի հատվածում ցավ առաջացնելով։

Կարդացեք՝ Ցավ հղիության ընթացքում․ ե՞րբ անհանգստանալ

Բացի այդ, երեխան մոր օրգանիզմից վերցնում է սննդանյութերը՝ ներառյալ կալցիումը։ Եթե այդ նյութերը չեն համալրվում անհրաժեշտ քանակով, ոսկորներն ու հոդերը թուլանում են, սկսում ցավել։ Ցավն ուժգին է լինում հատկապես գոտկատեղի, մեջքի և կոնքի հատվածում։

Հղիության քսաներորդ շաբաթից հետո, երբ որովայնն սկսում է աչքի ընկնել իր մեծությամբ, ծանրության կենտրոնը փոխվում է, և մարմինն ուղղահայաց պահելու համար մեջքի մկանները շարունակ լարված վիճակում են լինում։ Բացի այդ, փորի մկանները թուլանում են դրա մեծանալու արդյունքում, այդ պատճառով էլ դրանց փոխարեն ծանրությունը կրում են հենց մեջքի մկանները։ Զարմանալի չէ, որ լարվածությունը մեծանում է և սկսում պարբերաբար ցավալ։

Մարմնի ծանրության կենտրոնի խախտման պատճառով սխալ կեցվածք է ձևավորվում՝ որովայնն առաջ է ընկնում, իսկ ուսերը՝ հետ, ինչի պատճառով ողնաշարը ծռվում է։ Այդ դեպքում մկանների որոշակի խումբ մշտապես գերլարված է մնում, ինչը հանգեցնում է մկանային ցավերի։

Վերջին ամիսներին մեծացած արգանդը կարող է ճնշում գործադրել նյարդային վերջավորությունների վրա։ Այդ տեսակ ցավն արագ անցնում է կողքի պառկելու դեպքում։

Պետք է ուշադրություն դարձնել այն տեսակ ցավին, որը չի անցնում պառկած դիրքում, ուղեկցվում է ջերմության բարձրացմամբ կամ փոխանցվում է ձեռքերին կամ ոտքերին, հնարավոր է, որ հիվանդության նշան լինի։ Հարկավոր է անհապաղ դիմել բժշկի, քանի որ այդ վիճակը վտանգավոր է երեխայի համար։

Կարդացեք՝ Աղեկապը՝ բանդաժ, հղիության ընթացքում

Ցավը մեղմելու համար օգտակար են հղի կանանց մարմնամարզությունը, յոգան և մերսումը։ Սնունդը պետք է ներառի վիտամիններ և կալցիում։ Ողնաշարի ծանրաբեռնվածությունը թուլացնելու համար խորհուրդ է տրվում հատուկ աղեկապ՝ բանդաժ, կրել։ Փորձեք ուղիղ պահել կեցվածքը, բարձրակրունկ կոշիկ չկրել։ Օգտակար է նաև լողը և հղի կանանց ջրային աէրոբիկան։ Քնելիս փորի տակ հատուկ բարձ դրեք։

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար