Կարելի՞ է սուրճ խմել հղիության ընթացքում

19.06.201723170

Շատերի համար սովորական է օրվա ընթացքում մի քանի բաժակ սուրճ խմելը, սակայն հղիության ընթացքում գուցե հարց ծագի՝ կարելի՞ է այն խմել նաև այդ ժամանակ։

Սուրճ կարելի է խմել, բայց ոչ բոլորին։ Պետք է խմեն այն կանայք, որոնք ցածր ճնշում ունեն, որոնք առավոտյան դժվարությամբ են արթնանաում և սովոր են այդ ժամին սուրճ խմելուն։ Հարկավոր է հաշվի առնել, որ չի կարելի սուրճը խմել քաղցած ժամանակ, բացի այդ այն պետք է շատ կոֆեին չպարունակի (օրինակ՝ լուծվող սուրճ), պետք է խմել կաթով։

Կաթի ավելացումը կարևոր է հատկապես հղի կանանց համար։ Բանն այն է, որ սուրճը թեյի պես նպաստում է ոսկորների միջից կալցիումի հեռացմանը, իսկ հղիության ընթացքում կինն առանց այն էլ մեծ քանակությամբ կալցիում է կորցնում։

Ցանկալի է, որ կալցիումը սննդի միջոցով հասնի օրգանիզմին, ուստի ապագա մայրը պետք է կալցիումով հարուստ մթերքներ շատ ուտի, օրինակ՝ քունջութ, կաթնամթերք, ընկուզեղեն, բանջարեղեն, ձուկ և այլն։ Եթե հղի կինը չի ստանում անհրաժեշտ քանակությունը, մեծանում է վաղ օստեոպորոզի զարգացման վտանգը։

Այսպիսով՝ ցանկալի է, որ հղի կինը սուրճը խմի կաթով կամ սերուցքով՝ կալցիումի կորուստը վերականգնելու նպատակով։ Ահա մի քանի նրբություն, որ պետք է հաշվի առնել։

Քանի՞ բաժակ սուրճ է կարելի խմել հղիության ընթացքում։ Մեկ, առավելագույնը՝ օրվա ընթացքում երեք բաժակ։ Չի կարելի խմել քնելուց առաջ։

Սուրճում պարունակվող կոֆեինը նպաստում է անոթային ճնշման բարձրացմանը, իսկ հղիության ընթացքում ճնշումն առանց այն էլ բարձր է լինում, ուստի ավելի լավ է սուրճ չխմել։

Սուրճն օժտված է միզամուղ հատկությամբ։ Ուստի այն կօգնի նրանց, ովքեր անոթային ցածր ճնշման ֆոնին այտուցներ են ունենում։

Եթե հղիությունն ուղեկցվում է տոքսիկոզով, սրտխառնոցով և փսխմամբ, ապա անհրաժեշտ է սուրճ չխմել։

Բարձր թթվայնությամբ գաստրիտի կամ խոցային հիվանդության դեպքում սուրճը հակացուցված է, քանի որ այն բարձրացնում է ստամոքսահյութի թթվայնությունը, հատկապես քաղցած ժամանակ խմելիս։

Սուրճը կոֆեստոլ է պարունակում, որը օրական 5-6 բաժակ սուրճ խմելու դեպքում բարձրացնում է խոլեստերինի մակարդակը։

Խորհուրդ՝ սուրճը փոխարինեք ցիկորիայով կամ կակաոյով։ Այդ ըմպելիքները մեծ քանակությամբ կալցիում են պարունակում և ավելի օգտակար են, քան սուրճը։