Ընկերքի պաթոլոգիա

Ընկերքի պաթոլոգիա

Ընկերքի պաթոլոգիան արտահայտվում է հիպոպլազիայով, հիպերպլազիայով, ինֆարկտներով և նորագոյացություններով (խորիոանգիոմա, տրոֆոբլաստիկ հիվանդություն)։

Ընկերքի հիպերպլազիա։ Հիպերպլազիայի դեպքում ընկերքի զանգվածը կարող է հասնել 1000գրամի (և ավել)։

Ընկերքի հիպերպլազիան ռեզուս-սենսիբիլիզացիայով հղի կանանց դեպքում պտղի հեմոլիտիկ հիվանդության ախտորոշիչ չափանիշներից կարող է լինել։ Դիտվում է բազմապտուղ հղիության, մոր շաքարային դիաբետի, ներարգանդային վարակման, ինչպես նաև ծխող կանանց դեպքում։ Հիպերպլազիայի անտենատալ ախտորոշումը կատարվում է ՈւՁՀ-ի միջոցով, չափանիշն ընկերքի մակերեսի և հաստության ուսումնասիրումն է։

Մանկաբարձական տակտիկան կախված է ընկերքի հիպերպլազիայի առաջացման պատճառից, հղիության ժամկետից և պտղի վիճակից։

Ընկերքի հիպոպլազիա։Արտահայտվում է ընկերքային անբավարարությամբ, ընկերքի զանգվածը փոքրանում է (400գ-ից փոքր)։ Դիտվում է հիպերտոնիկ հիվանդության, գեստոզի, հղիության ընդհատման տևական սպառնալիքի, պտղի աճի հապաղման դեպքում։ Ընկերքի հիպոպլազիայի ուտրաձայնային չափանիշը ընկերքի հաստության և մակերեսի փոքրացումն է։

Ընկերքի հիպոպլազիայի դեպքում հարկավոր է մանրազնին կերպով հետևել երեխայի վիճակին, կանխարգելել ներարգանդային հիպոքսիան։

Մանկաբարձական տակտիկան կախված է պտղի վիճակից և հղիության ժամկետից։ Պտղի հիպոքսիայի դեպքում նրա կենսունակությունն ապահովելուց հետո ցուցվում է կեսարյան հատում կատարել։

Ընկերքի ինֆարկտներն առաջանում են ընկերքային հեմոդինամիկայի խանգարման հետևանքով (միկրոթրոմբոզներ, պարուրաձև արտերիանրի տևական սպազմ)։ Այս խնդիրն առաջանում է հիպերտոնիկ հիվանդություն, գեստոզի ծանր ձև ունեցող հղի կանանց մոտ։ Պտղի վրա թողած ազդեցությունը կախված է ինֆարկտի ուժգնությունից։ Փոքր ինֆարկտները բացասական ազդեցություն չեն թողնում։ Մեծ կամ բազմակի ինֆարկտների դեպքում հիպոքսիա կամ/և պտղի աճի հապաղում է դիտվում։

Հղիության վարման տակտիկան որոշվում է հիպոքսիայի և պտղի աճի հապաղման արտահայտվածության հիման վրա։

Ընկերքի խորիոանգիոման բարորակ ուռուցք է, ձևավորվում է պտղի մազանոթներից, որոնք խորիոնի թավկենու մասն են կազմում։ Խորիոանգիոմայի չափսերը տատանվում են մի քանի միլիմետրից մինչև 7-8 սմ։ Հիմնականում այն ախտանշաններ չի ունենում և հայտնաբերվում է պատահմամբ։ Հաճախ համակցվում է գերջրության և գեստոզի հետ։

Մեծ խորիոանգիոմայի դեպքում մեծանում է ընկերքի վաղաժամ շերտազատման վտանգը։ Ծննդալուծման ժամկետն ու եղանակը որոշվում է մանկաբարձական իրավիճակի հիման վրա։

Տրոֆոբլաստիկ հիվանդությունը ներառում է պարզ (ամբողջական կամ մասնակի) սերտաճումխորիոկարցինոմա, ընկերքային մակերեսի տրոֆոբլաստիկ ուռուցք և այլն։

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար