Կոկորդի ցավը հղիության ընթացքում

Կոկորդի ցավը հղիության ընթացքում

Հղիության ընթացքում կոկորդի ցավը հաճախադեպ երևույթ է։ Ապագա մոր դիմադրողականությունն ընկնում է, իսկ հիվանդանալու հավանականությունը՝ մեծանում։ Կոկորդի ցավը կարող է վկայել տարբեր հիվանդությունների մասին։ Ամենատարածվածներն են՝ շնչառական սուր հիվանդությունները, գրիպը, տոնզիլիտը՝ անգինա։

Հազվադեպ են հանդիպում վարակիչ հիվանդությունները՝ դիֆտերիան, կարմրուկը, կարմրախտը և այլն։ Վարակիչ հիվանդությունները բուժում է միայն բժիշկը, անգինայի և գրիպի հետ կատակ անել չի կարելի, ուստի հարկավոր է ցանկացած գանգատի դեպքում խորհրդակցել բժշկի հետ։

Բուժումը

Կոկոդի բուժումը հնարավոր է իրականացնել մի քանի եղանակով՝ տեղային՝ կոկորդի ողողում, հաբերի, նշիկների մաքրում սփրեյներով և լուծույթներով, ընդհանուր՝ դեզինտոքսիկացիոն թերապիա, անհրաժեշտության դեպքում՝ նաև հակավիրուսային դեղամիջոցներ և հակաբիոտիկներ։

Բազմաթիվ դեղամիջոցներ արգելված են հղիության ընթացքում, ուստի թույլ ձևի շնչառական հիվանդությունների դեպքում բժիշկը խորհուրդ կտա անկողնային ռեժիմ պահել, թեյ խմել և կոկորդի ողողում անել։

Կոկորդի ողողումը հղիության ընթացքում

Կոկորդի ցավի դեպքում բուժման հիմքում կոկորդի ողողումն է ընկած, որով հասնում ենք երեք արդյունքի՝

  • բերանի խոռոչում կուտակված միկրոօրգանիզմների ու վիրուսների հեռացում, 
  • քթըմպանի չորացած և բորբոքված լորձաթաղանթի փափկեցում և խոնավացում, 
  • բորբոքված նշիկների և լորձաթաղանթի մշակում դեղորայքով։ 

Ողողման համար կարելի է տարբեր լուծույթներ օգտագործել, անգամ հյութեր և եփուկներ։ Կարևորը հիմնական կանոնի պահպանումն է՝ ողողման լուծույթը պետք թարմ լինի և գոլ, ողողման հաճախականությունը՝ օրական ութից տասներկու անգամ։

Ողողման լուծույթներ

Ահա ողողման լուծույթների մի քանի արդյունավետ բաղադրատոմս, որոնք անվնաս են հղի կնոջ համար։

Աղով լուծույթներ

  • Կես թեյի գդալ յոդացված կամ ծովի աղը խառնել մեկ բաժակ գոլ ջրին։ 
  • 200մլ գոլ ջրին խառնել ¼ թեյի գդալ սոդա, աղ և 3-4 կաթիլ յոդ։ 

Թուրմեր և հյութեր

  • Քամել կարմիր բազուկի հյութը, մի փոքր տաքացնել և ողողել։ 
  • Կիտրոնի հյութը խառնել կեղ բաժակ գոլ ջրին։ 
  • 1 թեյի գդալ երիցուկը, եղեսպակը կամ կալենդուլան խառնել եռացրած ջրին և 5-10 րոպե թողնել թրմելու։ Օգտագործելուց առաջ քամել։
Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար