Սկոլիոզը վտանգավո՞ր է հղիության ընթացքում

08.02.201710378

Սկոլիոզ ունեցող մարդկանց համար խախտված է ողնաշարի ամենակարևոր գործառույթը՝ քայլելու ընթացքում ամորտիզացիան։ Ամորտիզացիայի խանգարումն իր հերթին հանգեցնում է միջողնային սկավառակների ծանրաբեռնվածության մեծացմանը։

Եթե հիվանդը մեջքի ցավ է զգում, նշանակում է, որ ողնաշարը չի կարողանում հաղթահարել իր ծանրաբեռնվածությունը։ Խանգարվում է նաև անհրաժեշտ սննդանյութերի անցումը։ Սկոլիոզը խաթարում է գլխուղեղի աշխատանքը, և հիվանդները հաճախ գլխացավ են ունենում, խանգարվում է տեսողությունը, լսողությունը, հիշողության հետ կապված խնդիրներ են ի հայտ գալիս։

Սկոլիոզը վատ է անդրադառնում նաև հղիության վրա՝

  • փոխվում է կոնքի ձևն ու դիրքը, 
  • քանի որ փոքր կոնքի արյան մատակարարումը վատանում է, զգալիորեն մեծանում է հղիության ընդհատման և ծննդաբերության ընթացքում բարդությունների առաջացման վտանգը, 
  • էնդոկրին և նյարդային համակարգի աշխատանքը խանգարվում է մկանային ջղակծկումների պատճառով, և հորմոնային հավասարակշռությունը խախտվում է։

Հղիության ընթացքում սկոլիոզը հատուկ ուշադրություն է պահանջում, քանի որ հորմոնային ֆոնի փոփոխության պատճառով աճառներն ավելի առաձգական և խոցելի են դառնում։ Փորձեք հնարավորինս չծանրաբեռնել ողնաշարը, ծանրություն մի կրեք և լվացքը ձեռքերով մի արեք։

Ցավը մեղմելուն կօգնեն՝

  • հատուկ աղեկապները (բանդաժ), 
  • եթե ոչ մի բարդություն չունեք, կարող եք կետային մերսում անել ցավոտ հատվածներում, 
  • ցավի մեղմման այլ մեթոդներ նշանակում է միայն բժիշկը։

Եթե սկոլիոզի աստիճանը բարձր է, հնարավոր է, որ բժիշկը կեսարյան հատում նշանակի, որն այդ դեպքում ավելի անվտանգ է թե՛ ձեզ, թե՛ երեխայի համար։