Նորածնի կոլիկաներ

Նորածնի կոլիկաներ

Նորածնի կամ կրծքի երեխայի կոլիկաները (ցավեր որովայնում) հաճախակի հանդիպող խնդիր է՝ պայմանավորված փոքրիկի մարսողական համակարգի առանձնահատկություններով:

Կոլիկաների կանխարգելման համար կրծքով կերակրող մայրիկը պետք է խիստ հետևի բժիշկ-դիետոլոգի խորհուրդներին՝ սահմանափակի կովի կաթի, կծու մթերքների, սխտորի, սուրճի, շոկոլադի, կաղամբի, խաղողի ընդունումը: Շատ հաճախ փոքրիկի կոլիկաներն ուղեկցվում են ավելորդ գազարտադրությամբ: Այս դեպքում մայրիկը ստիպված կլինի սննդակարգից ամբողջությամբ բացառել քաղցրավենիքը, ապխտած սնունդն ու կծու համեմունքները:

Կարդացեք՝ Ի՞նչ մթերքներից խուսափել կրծքով կերակրման շրջանում:

Արհեստական սնուցման դեպքում անհրաժեշտ է խառնուրդն ընտրել ըստ երեխայի անհատական պահանջների:

Կոլիկաների առաջացման պատճառ կարող է հանդիսանալ կերակրման տեխնիկան և ռեժիմը խախտելը: Փոքրիկին անհրաժեշտ է կերակրել 2-3 ժամ ինտերվալներով, որպեսզի նրա օրգանիզմը կարողանա մարսել սնունդը: Կերակրման ընթացքում նորածինը կարող է օդ կուլ տալ, ինչը կանխելու համար անհրաժեշտ է փոքրիկին պահել կիսաուղղաձիգ դիրքով: Խորհուրդ է տրվում կերակրելուց հետո 10-15 րոպե փոքրիկին ուղղաձիգ դիրքով գրկել:

Մարսողության գործընթացի վրա բացասական ազդեցություն կարող է ունենալ փոքրիկի հուզական վիճակը, այդ պատճառով անհրաժեշտ է նրան կերակրել հանգիստ և հարմարավետ միջավայրում: Ինչպե՞ս օգնել նորածնին կոլիկաների դեպքում:

  • Կատարեք թեթև մերսում. տաք ձեռքերով շոյեք փոքրիկի որովայնը՝ կատարելով պտույտներ ժամսլաքի ուղղությամբ: 
  • Որովայնի փքվածության դեպքում նորածնին պառկեցրեք մեջքի վրա և հերթով ծալեք ոտքերը՝ ձգելով դեպի կրծքավանդակ: 
  • Ցավը մեղմելու համար փոքրիկի որովայնին տաք սրբիչ դրեք: Մայրիկը կարող է գրկել երեխային՝ որովայնը սեղմելով իրեն: 
  • Շատ օգտակար է կանոնավոր կերպով փոքրիկին որովայնի վրա պառկեցնելը, քանի որ այդպես որովայնի մկանները մարզվում են, ինչը բարենպաստ ազդեցություն է ունենում աղիների գալարակծկանքի վրա: 
  • Դեղորայքային կամ այլ մեթոդներ կիրառել կարելի է միայն բժշկի ցուցումով:

Հնարավոր է նորածնի մոտ կոլիկաներն ուղեկցվեն փորկապությամբ: Կրծքով կերակրման պարագայում, սովորաբար, երեխայի կղազատումների քանակը համապատասխանում է կերակրման թվին: Ինքնուրույն բուժում սկսել չի թույլատրվում: Ճիշտ ախտորոշման համար անհրաժեշտ է դիմել մանկաբույժի, ով նաև կպարզի փորկապության պատճառը:

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար