Դաշտանն արգանդի քերումից հետո

Դաշտանն արգանդի քերումից հետո

Քերումը՝ կատարված լինի ախտորոշման, թե աբորտի նպատակով, խիստ բացասաբար է անդրադառնում կնոջ օրգանիզմի վրա։ Անգամ ամենահաջող միջամտությունից հետո հնարավոր է, որ բարդություններ ի հայտ գան։ Արդիական հարցերից մեկն էլ դաշտանի վերսկսումն է։ Կարևոր է իմանալ, թե քերումից հետո երբ է սկսվում դաշտանը, որպեսզի այն չշփոթենք արնահոսության հետ։

Սովորաբար դաշտանն սկսվում է քերումից մեկ ամիս անց (հաշվում են միջամտության օրից սկսած)։ 28 օր տևողությամբ ցիկլի դեպքում դաշտանն սկսվում է 4 շաբաթ անց, սակայն, կախված կնոջ օրգանիզմի առանձնահատկություններից, լինում են ուշացումներ։

Պատճառները տարբեր են։ Հաճախ այն ուշանում է հորմոնային ֆոնի և ձվարանների թերի աշխատանքի հետևանքով։ Եթե քերմանը հաջորդող առաջին դաշտանի ընթացքում ջերմությունը բարձրանում է, դիտվում է առատ արտադրություն և ցավ որովայնի ստորին հատվածում, հարկավոր է անհապաղ դիմել բժշկի։

Կարդացեք՝ Արգանդի խոռոչի պատերի քերում

Գինեկոլոգիական քերումը կատարվում է բուժման կամ ախտորոշման նպատակով։ Երկրորդը սովորաբար չի հանգեցնում հորմոնային անհավասարակշռության, այդ պատճառով դաշտանը պետք է սկսվի սպասված օրը։ Իսկ այ բուժական քերումը երբեմն կարող էվնասել օրգանիզմին` առաջացնելով արգանդի խոռոչի կպումներ:

Դաշտանի սկսվելու ժամանակահատվածը կախված է բազմաթիվ գործոններից՝ հղիության ժամկետ, ընդհատման միջոց, կնոջ տարիք, քերման նպատակ և այլն։ Սովորաբար դաշտանը, ինչպես նշեցինք, սկսվում է միջամտությունից 28-35 օր անց, սակայն հաճախ դիտվում է ցիկլի խանգարում։

Քերումից անմիջապես հետո հնարավոր է, որ դաշտանի նմանվող արնահոսություն սկսվի։ Եթե այն ուժեղ չէ, ապա անհանգստանալու կարիք չկա։ Եթե առատ է, բժիշկը հնարավոր է սոնոգրաֆիկ հետազոտություն կատարի, եթե խնդիր չդիտվի, կնաշանակի արնահոսությունը դադարեցնող դեղամիջոցներ, որպեսզի արգանդը կրճատվի։

Եթե քերումը կատարվել է ախտորոշման նպատակով, ապա դաշտանը պետք է սկսվի ճիշտ ժամանակին, քանի որ ձվարանների աշխատանքը չի դադարեցվել։ Տվյալ դեպքում սակավարյուն դաշտանը բնական է։

Անհետաձգելի քերման դեպքում (օրինակ արգանդային արնահոսության) դաշտանը կրկին պետք է ճիշտ ժամանակին սկսվի։

Հարցն այլ է աբորտի դեպքում։ Հաճախ պատահում է, որ վակուում ասպիրացիայից և քերումից հետո դաշտանը բացակայում է 35 օր և ավել։ Պատճառը կարող է լինել հորմոնային համակարգի բնականոն աշխատանքի խանգարումը։

Եթե դաշտան չի սկսվում 7 և ավել շաբաթ անց (քերման օրից հաշված), պետք է դիմել գինեկոլոգի և պարզել պատճառը։ Քերումից հետո առաջին դաշտանը հնարավոր է չսկսվի արգանդի պարանոցի սպազմի հետևանքով։ Այդ դեպքում արգանդի խոռոչում կուտակվում է արնախառը հեղուկ, որը չի կարողանում դուրս գալ։ Գինեկոլոգը կօգնի լուծել խնդիրը։

Կարդացեք՝ Հղիության արհեստական ընդհատման հետևանքները

Օրգանիզմում առկա խնդրի մասին է վկայում և՛ առատ դաշտանը, և՛ դրա բացակայությունը։ Այն կարող է լինել բորբոքային հիվանդություն, բորբոքային պրոցեսներ, հորմոնային ֆոնի խանգարում և այլն:

Հնարավոր խանգարումներ

Աբորտին հաջորդող առատ արնահոսությունը կարող է վկայել, որ արգանդում դեռևս մնացել են պտղի կտորներ։ Այդ դեպքում ՈւՁՀ հետազոտություն է կատարվում: Հնարավոր է, որ կրկնակի քերում կատարվի։ Մեկ ամիս անց, երբ դաշտան սկսվի, հարկավոր է հետևել արտադրությանը։ Եթե այն մուգ գույն և տհաճ հոտ ունենա, պետք է դիմել բժշկի և համապատասխան հետազոտություն անցնել։ Այդպիսի նշանները վկայում են բորբոքման մասին։

Հաշվի առեք, որ քերումից անմիջապես հետո հնարավոր է կրկին հղիանալ:

Ինչպե՞ս պաշտպանվել վարակներից օրալ սեռական հարաբերության ընթացքում

Ինչպե՞ս պաշտպանվել վարակներից օրալ սեռական հարաբերության ընթացքում

Սեռական վարակներով հնարավոր է վարակվել նաև օրալ սեռական հարաբերության ժամանակ, ուստի պաշտպանությունը միշտ անհրաժեշտ է

Սխալ պատկերացումներ դաշտանի մասին, որոնցից ազատվելու ժամանակն է

Սխալ պատկերացումներ դաշտանի մասին, որոնցից ազատվելու ժամանակն է

Դաշտանը օրգանիզմը մաքրելու միջոց է Իրականում օրգանիզմը ոչ մի մաքրման կարիք չունի, և ոչ մի տոքսին չի հեռացվում դաշտանի միջոցով

Ամեն ինչ դաշտանի մասին. տարածված հարցերի պատասխաններ

Ամեն ինչ դաշտանի մասին. տարածված հարցերի պատասխաններ

Եթե որովայնը ցավում է դաշտանի ժամանակ, դա նորմա՞լ է

Ցածր լիբիդո. պատճառները

Ցածր լիբիդո. պատճառները

Լիբիդոյի կորուստը տարածված խնդիր է, որին բախվում է յուրաքանչյուր հինգերորդ տղամարդ և շատ կանայք՝ կյանքի ինչ-որ փուլում