Տարվա ո՞ր եղանակին են ծնվում ամենաառողջ երեխաները

Տարվա ո՞ր եղանակին են ծնվում ամենաառողջ երեխաները

Ցանկացած եղանակ ունի իր դրական և բացասական կողմերը բեղմնավորման և երեխայի ծնունդի ժամանակի առումով։ Ընտրեք, թե որն է ավելի կարևոր ձեզ համար և որոշեք ինքներդ։

Բեղմնավորումն ամռանը, երեխայի ծնունդը՝ գարնանը

Առավելությունները

  • Վիտամինների բազմազանությունը թարմ մրգերի և բանջարեղենի տեսքով։
  • Գրիպով հիվանդանալու նվազագույն վտանգ։
  • Ծովում հանգստանալու և ուժով լցվելու հնարավորություն։
  • Վառ ու դրական հույզեր՝ պայմանավորված ամառով և հանգստով։

Թերությունները

  • Հղիության վերջին ամիսներն անցնում են գրիպի և տարատեսակ վարակների շրջանում։ Օգտակար կլինի կոփումը նախքան հղիությունը, առողջ, ակտիվ ապրելակերպը, ինչպես նաև ամուսնու ընկերակցությունը զբոսանքի գնալիս։
  • Ծննդաբերությունն անցնում է օրգանիզմի եղանակային թուլացման և բնական վիտամինների պակասի շրջանում․ վիտամիններից օգտվեք աշնանը և ձմռանը, իսկ գարնանը՝ հաբերի տեսքով դեղամիջոցներից։

Բեղմնավորումն աշնանը, երեխայի ծնունդը՝ ամռանը

Առավելությունները

  • Վիտամինների մեծ պաշար մրգերի և բանջարեղենի տեսքով։
  • Լակտացիան նույնպես համընկնում է վիտամիններով հարուստ շրջանին։
  • Եղանակային անբարենպաստ պայմանների հետևանքվ վնասվածքներ ստանալու ցածր հավանականություն։

Թերությունները

  • Հղիության առաջին ամիսներն անցնում են մրսածության հիվանդությունների շրջանում, ինչը վտանգ է ստեղծում պտղի համար։ Լավ նախապատրաստվեք հղիությանը՝ օրգանիզմն ապահովելով անհրաժեշտ վիտամիններով և հանքանյութերով, ինչպես նաև ֆիզիկական առողջությամբ։
  • Հղիության վերջին ամիսներն անցնում են ամռանը։ Եթե շոգ է և տոթ, ապա դժվար է տանելը, հատկապես ուշ տոքսիկոզի դեպքում։ Խուսափեք ցերեկը տնից դուրս գալուց, զբոսանքի գնացեք երեկոյան կամ վաղ առավոտյան, երբ օդը մաքուր է։
  • Երկար լուսային օրը բարենպաստ ազդեցություն չի ունենում հղիության հորմոնի՝ մելատոնինի արտադրության համար, որը շատ կարևոր է վերջին ամիսների ընթացքում։

Բեղմնավորումը ձմռանը, երեխայի ծնունդը՝ աշնանը

Առավելությունները

  • Հղիության վերջին ամիսներին վիտամինների առատություն մրգերի և բանջարեղենի տեսքով։
  • Լակտացիան նույնպես անցնում է վիտամիններով հարուստ շրջանում։

Թերությունները

  • Հղիության առաջին ամիսներն անցնում են տարատեսակ վարակների ռիսկային շրջանում, ինչը շատ վնասակար է, քանի որ առաջին երկու ամսվա ընթացքում են կազմավորվում երեխայի հիմնական օրգանները։ Հարկավոր է պաշտպանվել գրիպից և օդակաթիլային ճանապարհով փոխանցվող այլ վարակներից։ 
  • Հղիության ավարտին նվազում է հղիության հորմոնի՝ մելատոնինի արտադրությունը։ Սա վտանգ չի սպառնում կոփվող և առողջ ապրելակերպ վարող կնոջը։
  • Երեխայի կյանքի առաջին ամիսներն անցնում են ցուրտ եղանակային պայմաններում, ինչն այնքան էլ նպատակահարմար չէ զբոսանքի գնալու համար։ Եթե երեխան առողջ է, կարելի է զբոսնել և ցանկացած եղանակի։

Բեղմնավորումը գարնանը, երեխայի ծնունդը՝ ձմռանը

Առավելությունները

  • Բեղմնավորումը կատարվում է բնության զարթոնքի ամենալավ շրջանում՝ սիրո շրջանում, ինչը բազմաթիվ դրական հույզերի աղբյուր է։
  • Հղիության վերջին ամիսներն անցնում են բարենպաստ պայմաններում, երբ վիտամինների պաշարը դեռևս չի սպառվել։
  • Հղիության վերջին ամիսներին է մելատոնինն արտադրվում մեծ քանակով։
  • Լավ եղանակային պայմաններն ապահովում են ուշ տոքսիկոզի դյուրին ընթացքը։

Թերությունները

  • Բեղմնավորման շրջանում հնարավոր է, որ ծնողները վիտամինների պակաս ունենան։ Հարկավոր է ստանալ այդ վիտամինները։
  • Հղիության վերջին ամիսներին մեծ է վնասվածքներ ստանալու հավանականությունը՝ մերկասառույց։
  • Երեխայի կյանքի առաջին ամիսներն անցնում են գրիպով և օդակաթիլային ճանապարհով փոխանցվող այլ վարակների շրջանում։ Հարկավոր է կոփել երեխային և կանխարգելիչ միջոցներ ձեռք առնել։

Հաշվի առեք, որ կյանքի առաջին ամիսների ընթացքում երեխան հուսալիորեն պաշտպանված է մայրական իմունիտետով, որ ստացել է ծննդյան պահին և շարունակում է ստանալ կրծքի կաթի միջոցով, վարակներն այնքան էլ վտանգավոր չեն նրա համար։ Կարևոր մի հանգամանք կա․ պետք երեխային հագցնել ըստ եղանակի, այնպես, որ նա չքրտնի հագուստի մի քանի շերտի տակ։

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար