Ի՞նչ են հուշում քնելու դիրքերը

Ի՞նչ են հուշում քնելու դիրքերը

Ի՞նչ են հուշում մեզ մեր քնելու դիրքերը, ինչպիսի ազդեցություն են դրանք ունենում մեր առողջության վրա: Փորձենք պարզել միասին:

Մեջքի վրա պառկած դիրք. Կարծես սա լավագույնն է քնելու դիրքերից: Այսպես գլուխը, պարանոցը և ողաշարը գտնվում են բնական դիրքում, ինչը թույլ է տալիս խուսափել տվյալ հատվածների ցավերից: Եթե գլուխը բարձր է, և ստամոքսն ավելի ներքև է, նշանակում է, որ ստամոքսահյութը չի հոսի կերակրափող և սա կօգնի ազատվել այրոցի զգացողություններից: Բացի այս, մեջքի վրա պառկած դիրքն օգնում է կանխել կնճիռների առաջացումը, քանի որ ոչինչ չի դիպչում և ճնշում դեմքը: Կարելի է ասել՝ միակ բացասական բանն այն է, որ այս դիրքում խռմփոցն ավելի ծանր ու հաճախական է դառնում:

Կողքի պառկած դիրքը (ոտքերն ուղիղ) նույնպես բավականին բարենպաստ է ողնաշարի և պարանոցի ցավերից խուսափելու համար: Սակայն այս դեպքում, քանի որ բարձը ճնշում է դեմքի մաշկը, ավելի հավանական է դառնում կնճիռների առաջացումը: Հղի կանանց դեպքում նախընտրելի է պառկել ձախ կողքի վրա: Դա ապահովում է բարենպաստ արյան շրջանառություն:

Այսպես կոչված սաղմի դիրքը (պառկած կողքի, ոտքերը ծալված) լավ է հղիության դեպքում, իսկ առհասարակ այն լավագույն տարբերակը չէ: Հատկապես եթե կան ողնաշարի խնդիրներ, հնարավոր է այս դիրքն առաջացնի ցավեր: Բացի այդ, կլորացած, ծալված դիրքը սահմանափակում է ազատ շնչառությունը:

Որովայնի վրա պառկած դիրքը ամենաքիչ նախընտրելին է: Թեև այս դեպքում խռմփոցը նվազում է, այնուամենայնիվ այսպես չի պահպանվում ողնաշարի բնական դիրքը, ինչի պատճառով ճնշում է գործադրվում մկանների և հոդերի վրա: Սա հնարավոր է գրգռի նյարդերը և հանգեցնի ցավի, թմրածության, ծակծկոցի զգացողության առաջացման: Պարանոցն էլ մի քանի ժամ շարունակ գտնվում է մի կողմ թեքված և բարձին սեղմված վիճակում, ինչը կրկին հնարավոր է ցավեր առաջացնի:

Ի վերջո, եթե չկան անհանգստացնող նշաններ, չկան քնի խանգարումներ, ապա դիրքերն անբարենպաստ ազդեցություն չեն ունենա, քանի որ գիշերվա ընթացքում մարդը մի քանի անգամ փոխում է դիրքը: Պառկեք ձեզ հարմար դիրքով, քնեք առնվազն 7-8 ժամ. եղեք առողջ:

Առողջ սովորություններ

Առողջ սովորություններ

Մեծահասակին անհրաժեշտ է 7-9 ժամ քուն

Ինչու է սերմնահեղուկը խիտ

Ինչու է սերմնահեղուկը խիտ

Սովորաբար սերմնահեղուկը նման է միատարր հեղուկի՝ կաթնագույն սպիտակից մինչև մոխրագույն-դեղնավուն գույնի, հատուկ հոտով:

Ո՞ր մթերքներն են ստիպում ավելի շատ ուտել և գիրանալ

Ո՞ր մթերքներն են ստիպում ավելի շատ ուտել և գիրանալ

Հաճախ կարող եք լսել, որ երբ խոսքը վերաբերում է նիհարելուն և քաշը պահպանելուն, ամենակարևորը կալորիաների ընդհանուր քանակն է, այլ ոչ թե դրանց աղբյուրը

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

Դաշտանադադարը դաշտանային ցիկլի բնական դադարեցումն է