Ծննդյան ամիսն ու հիվանդություների հանդեպ հակվածությունը
37753
Նոր ուսումնասիրությունը ցույց է տվել, որ ծննդյան ամիսը հնարավոր է կանխորոշի որոշակի հիվանդությունների հանդեպ օրգանիզմի հակվածությունը:
Ուսումնասիրության արդյունքում պարզվել է, որ մայիս ամսին ծնվածների դեպքում հավանականությունը քիչ է այս կամ այն հիվանդությունը ձեռք բերելու, իսկ ահա հոկտեմբերին ծնվածների դեպքում հավանականությունը բարձր է: Այդպես, ձմռան ամիսներին ծնվածների դեպքում վիտամին D-ի անբավարարության և սրտանոթային հիվանդությունների զարգացման հավանականությունը բարձր է, քանի որ այդ եղանակին օրերը կարճ են և մարդիկ բավարար քանակությամբ վիտամին D չեն ստանում արևից: Օրինակ, սրտամկանի հիվանդությունն ու բարձր ճնշումը դիտվում են գլխավորապես հունվարին ծնվածների դեպքում, իսկ ահա սեպտեմբեր-հոկտեմբեր ամիսներին ծնվածների դեպքում այդ հիվանդությունների զարգացման վտանգն ամենաքիչն է:
Այս երևույթի պատճառները հստակ պարզ չեն, բայց հնարավոր է դա պայմանավորված լինի նրանով, որ ձմռան ամիսներին հղի կանայք ավելի շատ են ենթարկվում վարակիչ հիվանդությունների:
Մասնագետները նշում են, որ նմանատիպ հետազոտությունները շարունակվում են, որպեսզի ավելի մանրամասն պարզեն ծննդյան ամսի և հիվանդություների միջև կապը: Թեև իսկապես նախածննդյան միջավայրը մեծ դեր կարող է ունենալ երեխայի հետագա առողջության հարցում, այնուամենայնիվ մեր օրերում անառողջ սննդի ու ֆիզիկական ակտիվության պակասի հետևանքներն շատ ավելի մեծ վտանգ են ներկայացնում առողջությանը:
