Ինչ անել սրտխառնոցի դեպքում
26110
Ինչ անել սրտխառնոցի դեպքում
Տհաճ զգացողություններից ազատվելու տարբեր միջոցներ կան:
Սրտխառնոցն ամենատհաճ զգացողությունն է, որն ունենում են բոլոր մարդիկ։ Այն առաջանում է զարթխումի, հղիության, հարբուխի, աղիքային հիվանդությունների, որևէ վիրուսի, նյարդային գերլարվածության, թունավորումների, մարսողական խանգարման կամ տհաճ հոտի առկայության դեպքում: Փսխումը կանխելու և սրտխառնոցը չեզոքացնելու համար պարտադիր չէ անմիջապես օգտագործել դեղորայք: Երբեմն բավական է նաև ֆիզիկական գործոնների կամ ժողովրդական միջոցների կիրառումը:
Ինչ անել, եթե ունեք սրտխառնոց, բայց չեք փսխում։
- Ընդունեք ճիշտ դիրք
- Փորձեք նստել կամ պառկել՝ բարձր պահելով մարմնի վերին հատվածը։
- Շնչեք մաքուր օդ
Թարմ, զով օդը նպաստում է սրտխառնոցի ախտանիշների թուլացմանը և չեզոքացնում է սրտխառնոց առաջացնող տհաճ հոտերը։
Խորը շնչեք
Շնչառությունը հանգստացնում է միտքը, վերացնում է խուճապը և թեթևացնում սրտխառնոցի զգացողությունը:
- Ջուր խմեք
Օգտագործեք մեծ քանակությամբ սենյակային ջերմաստիճանի ջուր, բայց ոչ միանգամից։ Խմեք փոքր չափաբաժիններով՝ ողջ օրվա ընթացքում: Ջրին կարող եք ավելացնել կիտրոն, քանի որ նրա թթուն պարունակում է այնպիսի միացություն, որն օգնում է մարսողությանը և հանգստացնում է ստամոքսը:
- Խմեք արգանակ
Թույլ սրտխառնոցի դեպքում կարող եք խմել հավի կամ բուսական արգանակ, որը կբարձրացնի օրգանիզմի էներգիան։
- Շեղեք ձեր ուշադրությունը
Դիտեք ֆիլմ, զանգահարեք ընկերոջը, արեք այն ամենը, ինչն ավելի չի կենտրոնացնի ձեր ուշադրությունը սրտխառնոցի վրա: Հոգնածությունը, գերծանրաբեռնվածությունը և ֆիզիկական գործունեությունը միայն ամրապնդում են սրտխառնոցի զգացողությունը:
- Կերեք փափուկ մթերքներ
Փորձեք ուտել մի քիչ բանան, բրինձ, խնձորի խյուս, խորոված կամ տապակած կարտոֆիլ, ձու։
Զովացեք
- Սառը թրջոցներ դրեք ճակատին, ծոծրակին և պարանոցին։ Սա կօգնի նվազեցնելու մարմնի բարձր ջերմաստիճանը և կբարելավի ինքնազգացողությունը:
- Անանուխի թեյ
Անանուխը համարվում է անվտանգ և արդյունավետ միջոց սրտխառնոցի դեմ պայքարում: Գնեք դեղատնից կամ պատրաստեք ինքներդ՝ մեկ բաժակ եռացող ջրի վրա մեկ թեյի գդալ թարմ անանուխի տերևներ լցնելով և 5-7 րոպե թրմելով։
- Երիցուկի թեյ
Հանրաճանաչ ժողովրդական դեղամիջոց երիցուկն օգնում է հանգստանալու և քնելու։
Եթե սրտխառնոցն այնուամենայնիվ չի անցնում, դիմեք բժշկի։
Աղբյուրը
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
