Նստակյաց ապրելակերպը մեզ տագնապային է դարձնում

Նստակյաց ապրելակերպը մեզ տագնապային է դարձնում

Նստած գնալ աշխատանքի, նստած անցկացնել աշխատանքային օրը, նստած տուն վերադառնալ ․․․ Մասնագետները պնդում են, որ որքան երկար ենք նստում, այնքան հակվում ենք սթրեսի։

Նստակյաց ապրելակերպի հասցրած վնասը ֆիզիկական առողջությանը նորություն չէ։ Այժմ պարզվել է, որ այն անդրադառնում է նաև հոգեբանական վիճակի վրա։

Թասմանիայի համալսարանի հետազատողների խումբը, որ գլխավորում է Միշել Կալպատրիկը, գիտափորձ է իրականացրել, որի արդյունքում բացահայտել է նստած անցկացրած ժամանակի և առաջացած ճնշվածության կապը։

Հետազոտությանը մասնակցել է 3367 մարդ, ովքեր գնահատել են իրենց վերջին 4 շաբաթվա հոգեբանական վիճակը՝ տագնապայնության և դեպրեսիայի նշանները, նչպես նաև ֆիզիկական ակտիվությունը։

Տվյալների մշակումից հետո ակնհայտ է դարձել, որ այո, կա կապ նստակյաց ապրելակերպի և հուզական վիճակի միջև։ Այն մասնակիցները, ովքեր օրվա ընթացքում ավելի քան 6 ժամ անցկացրել էին նստած, ավելի ուժեղ էին տագնապ ու սթրես ապրել, քան նրանք, ովքեր աշխատավայրում նստել էին 3 ժամից ոչ ավել։ Տարբերություն է նկատվել կանանց և տղամարդկանց արդյունքներում․ պարզվել է, որ նստելու պատճառով կանայք ավելի են հակված հոգեբանական վիճակի վատացմանը։

Հատկանշական է, որ այն մասնակիցները, ովքեր վեցժամյա նստակյաց աշխատանքից հետո ակտիվ ապրելակերպ էին վարել, գնացել էին մարզասրահ, ցույց տվեցին այն նույն արդյունքները, ինչ գիտափորձի մյուս մասնակիցները։ Դա նշանակում է, որ հոգեբանական առողջությանը վնասում է հենց երկարատև անշարժ վիճակը, այլ ոչ թե ֆիզիկական ծանրաբեռնվածության բացակայությունը։

 Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին

Առողջ սովորություններ

Առողջ սովորություններ

Մեծահասակին անհրաժեշտ է 7-9 ժամ քուն

Ինչու է սերմնահեղուկը խիտ

Ինչու է սերմնահեղուկը խիտ

Սովորաբար սերմնահեղուկը նման է միատարր հեղուկի՝ կաթնագույն սպիտակից մինչև մոխրագույն-դեղնավուն գույնի, հատուկ հոտով:

Ո՞ր մթերքներն են ստիպում ավելի շատ ուտել և գիրանալ

Ո՞ր մթերքներն են ստիպում ավելի շատ ուտել և գիրանալ

Հաճախ կարող եք լսել, որ երբ խոսքը վերաբերում է նիհարելուն և քաշը պահպանելուն, ամենակարևորը կալորիաների ընդհանուր քանակն է, այլ ոչ թե դրանց աղբյուրը

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

Դաշտանադադարը դաշտանային ցիկլի բնական դադարեցումն է