Արգանդի պարանոցի էրոզիա

Արգանդի պարանոցի էրոզիա

Արգանդի պարանոցի էկտոպիա

Արգանդի պարանոցի էկտոպիան (արգանդի պարանոցի էպիթելի էկտոպիա, կեղծ էրոզիա, արգանդի պարանոցի էրոզիա, էնդոցերվիկոզ) արգանդի պարանոցի հեշտոցային մասում գլանաձև էպիթելի սահմանների խախտումն է, որն արտաքնապես նման է կարմիր հետքի։ Չնայած այն հանգամանքին, որ Էկտոպիա տերմինը վաղուց փոխարինել է արդեն հնացած, էրոզիա տերմինին, վերջինս երբեմն շարունակվում է գործածվել բժիշկների կողմից:

Սեռական օրգանների գլանաձև էպիթելի ներարգանդային զարգացումը նախ ծածկում է հեշտոցի և արգանդի ռուդիմենտների ամբողջ ներքին մակերեսը, այնուհետև հեշտոցում և արգանդի պարանոցի հեշտոցային հատվածում հարթ էպիթելը փոխարինվում է գլանաձևով: Հորմոնների նկատմամբ էպիթելիզգայունության պատճառով կնոջ կյանքի ընթացքում գլանաձև էպիթելը պարբերաբար դուրս է մղվում, ինչից հետո ավելի է մեծանում էկտոպիայի առաջացման հավանականությունը:

Էկտոպիայի առկայությունը առավել բնորոշ է կնոջ կյանքի հետևյալ շրջաններում՝

  • նորածնային,
  • սեռական հասունության,
  • երիտասարդության,
  • հղիության,
  • հորմոնալ հակաբեղմնավորիչների օգտագործման:

Էկտոպիան կարող է ձևավորվել նաև վարակների, արգանդի պարանոցի մեխանիկական կամ քիմիական գրգռման հետևանքով:

Ախտանիշները

Հիմնականում էկտոպիան չունի ախտանիշներ: Սակայն, եթե ուղեկցվում է բորբոքային գործընթացով (ցերվիցիտ), ապա նկատվում է հեշտոցային տարբերվող արտադրություն: Հազվադեպ էկտոպիան ուղեկցվում է նաև արյունային արտադրությամբ՝ սեռական հարաբերությունից հետո (կոնտակտային արյունահոսություն) և սեռական հարաբերության ժամանակ առաջացող ցավով:

Ախտորոշման մեթոդները Ճշգրիտ ախտորոշման համար կիրառվում է ներհեշտոցային զննում, կոլպոսկոպիա, ՊԱՊ քսուք, ընդհանուր քսուքի հետազոտություն, սեռական ճանապարհով փոխանցվող վարակների հետազոտություն:

Բուժում

Առանց ախտանիշների ընթացող էկտոպիան բուժում չի պահանջում: Որոշ դեպքերում ցուցվում են

բուժման հետևյալ մեթոդները։

- լազերային,

- ռադիոալիքային,

-էլեկտրովիրահատական,

- կրիովիրահատական,

- թերմոկոագուլյացիա,

- քիմիական և դեղորայքային կոագուլյացիա:

 

Աղբյուրը՝

Ինչպե՞ս պաշտպանվել վարակներից օրալ սեռական հարաբերության ընթացքում

Ինչպե՞ս պաշտպանվել վարակներից օրալ սեռական հարաբերության ընթացքում

Սեռական վարակներով հնարավոր է վարակվել նաև օրալ սեռական հարաբերության ժամանակ, ուստի պաշտպանությունը միշտ անհրաժեշտ է

Սխալ պատկերացումներ դաշտանի մասին, որոնցից ազատվելու ժամանակն է

Սխալ պատկերացումներ դաշտանի մասին, որոնցից ազատվելու ժամանակն է

Դաշտանը օրգանիզմը մաքրելու միջոց է Իրականում օրգանիզմը ոչ մի մաքրման կարիք չունի, և ոչ մի տոքսին չի հեռացվում դաշտանի միջոցով

Ամեն ինչ դաշտանի մասին. տարածված հարցերի պատասխաններ

Ամեն ինչ դաշտանի մասին. տարածված հարցերի պատասխաններ

Եթե որովայնը ցավում է դաշտանի ժամանակ, դա նորմա՞լ է

Ցածր լիբիդո. պատճառները

Ցածր լիբիդո. պատճառները

Լիբիդոյի կորուստը տարածված խնդիր է, որին բախվում է յուրաքանչյուր հինգերորդ տղամարդ և շատ կանայք՝ կյանքի ինչ-որ փուլում