Էդվարդսի համախտանիշ

Էդվարդսի համախտանիշ

Ի՞նչ է Էդվարդսի հաամխտանիշը  

Էդվարդսի համախտանիշն իր տարածվածությամբ երկրորդն է քրոմոսոմային անոմալիաների շարքում (առաջին տեղում Դաունի համախտանիշն է): Այս համախտանիշի դեպքում երեխայի քրոմոսոմների քանակը 46-ի փոխարեն 47-ն է: Ավելորդ քրոմոսոմը ներկայացված է հավելյալ 18-րդ քրոմոսոմով, այդ պատճառով էլ հիվանդությունը հաճախ անվանում են նաև տրիսոմիա 18:

Ե՞րբ երեխան հիվանդանում

Այս քրոմոսոմային անոմալիան առաջանում է դեռևս բեղմնավորման ժամանակ կամ էլ բեղմնավորումից հետո առաջին օրերի ընթացքում: Էդվարդսի համախտանիշը հնարավոր է հայտնաբերել դեռևս հղիության ընթացքում: Համախտանիշը չի կարող առաջանալ երեխայի ծնունդից հետո:

Տարածվածությունը

Տրիսոմիա 18-ը Դաունի համախտանիշից հետո երկրորդն է ըստ տարածվածության: Երեխայի խանգարումներն ավելի վառ են արտահայտված լինում, քան Դաունի համախտանիշի դեպքում, ուստի հաճախ երեխան մահանում է հենց արգանդում: Հղիության առաջին եռամսյակի սկրինինգի արդյունքում յուրաքանչյուր 400-րդ կնոջ երեխան էդվարդսի համախտանիշ է ունենում, սակայն այդպիսի հղիությունը հաճախ ինքնաբերաբար ընդհատվում է: Այդ պատճառով էլ Էդվարդսի համախտանիշով երեխայի ծնվելու հաճախականությունը 1:6500 է:

Էդվարդսի համախտանիշով երեխա կարող է ծնվել ցանկացած ընտանիքում, եթե անգամ ամուսինները լիակատար առողջ են և ընտանիքում երբեք այսպիսի հիվանդություն չի եղել:

Ինչպե՞ս է արտահայտվում Էդվարդսի համախտանիշը

Եթե տրիսոմիա 18-ով երեխան կենդանի է լույս աշխարհ եկել, ապա բազմաթիվ արատներ է ունենում՝ ֆիզիկական արատներ, սրտի, թոքերի, նյարդային համակարգի աշխատանքի խանգարում, փոքր գլխուղեղ և այլն: Այս ամենով պայմանավորված՝ երեխան ապրում է 2 շաբաթ:

Հավանականությունը, որ տրիսոմիա 18-ով երեխան կապրի 1 ամիս, 40% է, իսկ մինչև 1 տարի կապրի 100 երեխայից 5-8-ը միայն:

Ինչպես նախքան ծնունդն իմանալ երեխան ունի Էդվարդսի համախտանիշ, թե ոչ

Դեռևս հղիության ընթացքում անցկացվում են մի շարք հետազոտություններ, որոնք թույլ են տալիս հայտնաբերել համախտանիշը: Այդ հետազոտություններն անվանում են պրենատալ սկրինինգ՝ հղիության առաջին եռամսյակի սկրինինգ և հղիության երկրորդ եռամսյակի սկրինինգ:

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար