Թրոմբոֆիլիա և հղիություն

Թրոմբոֆիլիա և հղիություն
Թրոմբոֆիլիա և հղիություն
 
 
Թրոմբոֆիլիան ախտաբանական վիճակ է, ինչը բնութագրվում է արյան
մակարդելիության խանգարմամբ, որի ժամանակ բարձրանում է թրոմբոզի
զարգացման վտանգը, որն էլ իր հերթին հղիության ընթացքում հանգեցնում է
միկրոթրոմբների առաջացման, պտղի սնուցման խանգարման, և այդ ամենն ի
վերջո ավարտվում է վիժմամբ հղիության վաղ կամ ուշ շրջանում, չզարգացող
հղիությամբ և մանկաբարձական այլ բարդություններով:
 
Թրոմբոֆիլիան լինում է ձեռքբերովի (վառ օրինակ է հակաֆոսֆոլիպիդային
համախտանիշը) և գենետիկորեն նախատրամադրված՝ մուտացիաների ձևով
(օրինակ Լեյդենի մուտացիան, MTHFR, պրոթրոմբին և այլն): Ախտորոշվում է
հետազոտությունների արդյունքների հիման վրա (լաբորատորիայում արյունը
վերցվում է երակից): Այսօր շատերին հուզում է մի հարց՝ արդյո՞ք հնարավոր է,
որ կինն ունենա թրոմբոֆիլիա, սակայն հղիությունը բնականոն ընթանա: Այո,
հնարավոր է: Կան դեպքեր, երբ կինն ունենում է թրոմբոֆիլիա, առաջին
հղիությունն անցնում է առանց որևէ խնդրի, սակայն երկրորդ հղիության
ժամանակ այն ակտիվանում է և ուղեկցվում տարաբնույթ բարդություններով:
 
Երբեմն էլ այդ բարդություններն առաջանում են հենց առաջին հղիության
ընթացքում: Թե ինչով է դա պայմանավորված, դեռևս լիովին ուսումնասիրված չէ:
 
Թրոմբոֆիլիայի զարգացման հարցում մեծ դեր են խաղում հարակից
հիվանդությունները, վիրուսները, բորբոքային գործընթացները և այլն: Դրանք իրենց հերթին օրգանիզմում խթանում են բոլոր այն գործընթացները, որոնք կապված են թրոմբոֆիլիայի հետ և ակտիվացնում են այն: Վերոնշյալ խնդիրներ ունեցող կինը նախքան հղիանալը պետք է լիարժեքորեն հետազոտվի և ստանա
համապատասխան բուժում:
 
Խորհուրդ է տրվում թրոմբոֆիլիայի բուժումն սկսել մինչև հղիությունը:
Հղիության ժամանակ կինը պետք է լինի բժիշկների հսկողության ներքո և
պարբերաբար անցնի համապատասխան հետազոտություններ, որոնք թույլ
կտան վաղ շրջանում ախտորոշել թրոմբոֆիլիան և նշանակել անհրաժեշտ
բուժում: Ավելի հեշտ է այս ամենն անել հղիությունից առաջ կամ հղիության վաղ
շրջանում, քան հետագայում՝ վիժման վտանգի և մանկաբարձական որոշ
բարդությունների առաջացման դեպքում:
 
 
Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար