Կոկոս․ օգտկար հատկությունները

18.12.2018612

Կոկոսը մեզ համար էկզոտիկ պտուղ է, քանի որ չի աճում մեր երկրում և տարածված չէ խանութներում։ Հարուստ է հագեցած ճարպաթթուներով, պարունակում է նաև ածխաջրեր և սպիտակուցներ, ինչպես նաև վիտամին С, Е, К, B խմբի վիտամիններ, մակրոտարրեր և միկրոտարրեր՝ կալիում, կալցիում, նատրիում, մագնիում, ֆոսֆոր, ցինկ, երկաթ, պղինձ և այլն։

Կոկոսի հյութը բնական էներգետիկ ըմպելիք է համարվում, քանի որ հարուստ է սննդարար նյութերով։

Կալորիականությունը

Կոկոսի ուտելի հատվածի 100 գրամը համարժեք է 350 կկալի, իսկ հյութը՝ 20 կկալ։

Օգտակար հատկությունները

Ամրացնում է օրգանիզմի դիմադրողական համակարգը։

Նվազեցնում է վնասակար խոլեստերինի մակարդակը, ինչպես նաև սրտանոթային հիվանդությունների առաջացման վտանգը։

Բարենպաստ ազդեցություն է թողնում վահանաձև գեղձի և առհասարակ էնդոկրին համակարգի վրա։

Ունի վերքերն ամոքող, հակամանրէային և հակաբորբոքային ազդեցություն։

Լավ է ազդում մարսողության վրա, օգնում է ազատվել փորկապությունից և գազերից։

Օգնում է լրացնել օրգանիզմի էներգիայի պակասը, ուստի ցուցված է սպորտսմեններին։

Բարենպաստ ազդեցություն է թողնում սեռական ֆունկցիայի և վերարտադրողական համակարգի վրա։

Հակացուցումները

Կոկոսը չունի հակացուցումներ և թույլատրվում է ուտել բոլորին, բայց չչարաշահել։