Մանանեխ (գորչիցա)․օգտակար հատկություններն ու հակացուցումները

03.12.2018500

Մանանեխն աշխարհի ամենահայտնի համեմունքներից է։ Օժտված է տաքացնող, հակաբորբոքային, խորխաբեր, մանրէազերծող հատկություններով։

Օգտակար հատկությունները

Մանանեխն ունի տաքացնող հատկություն, այդ պատճառով այն օգտագործում են հարբուխի ժամանակ ինչպես համեմունքի տեսքով, այնպես էլ սպեղանիների, կոմպրեսների տեսքով։

Լավացնում է ախորժակը, նպաստում մարսողական համակարգի լավ աշխատանքին, կարգավորում է նյութափոխանակությունը։

Ունի լուծողական թույլ ազդեցություն։

Օգնում է լյարդի և լեղապարկի հիվանդությունների ժամանակ։

Որպես կանարգելիչ միջոց օգտագործվում է սրտանոթային մի շարք հիվանդությունների դեպքում (հիպերտոնիա, աթերոսկլերոզ և այլն)։

Ուժեղացնում է արյան շրջանառությունը։

Օգտագործում են ռադիկուլիտի, ռևմատիզմի, նևրիտի, մկանային ջղաձգումների ժամանակ։

Լավացնում է տեսողությունը։

Օգտագործվում է նաև մաշկային հիվանդությունների բուժման ժամանակ։

Նպաստում է քաշի նվազմանը։

Մանանեխն իմբիրի պես նպաստում է լիբիդոյի բարձրացմանը։

Օգտագործում են նաև մազերը լվանալու համար, քանի որ օգնում է մազաթափության ժամանակ, ինչպես նաև փայլ ու ամրություն է հաղորդում մազերին։

Հակացուցումները

Մանանեխը չի կարելի չարաշահել, քանի որ կարող է վատ հետևանքներ ունենալ՝ այրել լորձաթաղանթը, գիտակցության կորստի հասցնել և այլն։ Բուժման նպատակով օգտագործելուց առաջ հարկավոր է խորհրդակցել բժշկի հետ, քանի որ բուժման տարատեսակ ձևերը հակացուցումներ ունեն (սրտանոթային համակարգի մի շարք հիվանդություններ, երիկամների հիվանդություններ և այլն)։