Ուրց․ օգտակար հատկություններն ու հակացուցումները

Ուրց․ օգտակար հատկություններն ու հակացուցումները

Շատերս ենք ուրցով անուշաբույր թեյ սիրում, սակայն քչերս գիտենք նրա օգտակար հատկությունների և հակացուցումների մասին։ Հայաստանում շատ տարածված ու ժողովրդի կողմից լայնորեն գործածվող բույս է։ Հայտնի է մոտ 150 տեսակ, իսկ մեզ մոտ տարածված է դրանցից հինգը։

Հին Եգիպտացիները այն օգտագործում էին որպես մարսողությունը լավացնող միջոց։ Ավիցեննան բույսից ստացված եթերայուղը քսելու ձևով օգտագործել է գլխացավերի, իսկ ամբողջ բույսը փսխման, ասթմայի, ողողումների ձևով՝ բերանի խոռոչի բորբոքումների և անգինայի ժամանակ։

Օգտակար հատկությունները

Բուժում և կանխարգելում է հարբուխը, օժտված է ցավազրկող, խորխաբեր, հակաբորբոքային և հակասեպտիկ հատկություններով, մեղմում է հազը, օգտագործվում է գրիպի, բրոնխիտի, անգինայի և շնչառական այլ հիվանդությունների բուժման ժամանակ։

Նպաստում է ստամոքսաղիքային տրակտի աշխատանքի կարգավորմանը։

Ունի միզամուղ և լեղամուղ հատկություն։

Բարենպաստ ազդեցություն է թողնում նյարդային համակարգի վրա, օգնում է հաղթահարել քրոնիկ հոգնածությունը, անքնությունը, բարձրացնում է աշխատունակությունը, ուժ տալիս։

Օգնում է ազատվել գլխացավից։ Ժողովրդական բժշկության մեջ օգտագործվում է վերքերն ու մաշկային հիվանդությունները բուժելու համար։

Նպաստում է ատամնացավի դադարեցմանը, օգտագործվում է բերանի խոռոչի բորբոքման դեպքում, վերացնում է բերանի տհաճ հոտը։

Օգնում է պայքարել ռևմատիզմի, ռադիկուլիտի, հոդացավի և մկանային ցավի դեմ։

Բարենպաստ ազդեցություն է թողնում տղամարդու սեռական ոլորտի վրա, մեծացնում է պոտենցիան, նվազեցնում պրոստատիտի առաջացման վտանգը։

Օգտագործվում է գինեկոլոգիական բազմաթիվ հիվանդությունների բուժման ժամանակ։

Հակացուցումները

Ուրցը հակացուցված է հղի կանանց, ինչպես նաև խոցային, վահանաձև գեղձի, երիկամների ու լյարդի հիվանդություններ ունեցող մարդկանց։ Ուրցը բուժման նպատակով օգտագործելուց առաջ հարկավոր է անպայման խորհրդակցել բժշկի հետ։

Ի՞նչ կպատահի, եթե թթված կաթ կամ ժամկետանց կեֆիր խմեք

Ի՞նչ կպատահի, եթե թթված կաթ կամ ժամկետանց կեֆիր խմեք

Թարմ կաթը գործնականում զերծ է բակտերիաներից

Աղիքների համար օգտակար 10 մթերքներ

Աղիքների համար օգտակար 10 մթերքներ

Նստակյաց ապրելակերպը և ոչ ճիշտ սննդակարգը հաճախ բացասաբար են անդրադառնում մարսողական համակարգի վրա: Կարող եք բարելավել իրավիճակը՝ փոփոխելով ձեր սննդակարգը

Սննդակարգը փորկապության դեպքում. օգտակար և վնասակար մթերքները

Սննդակարգը փորկապության դեպքում. օգտակար և վնասակար մթերքները

Փորկապությունը տարածված խանգարում է, որը նկատվում է բոլոր տարիքային խմբերի տղամարդկանց ու կանանց մոտ

Ինչո՞ւ և որքա՞ն ուտել հացահատիկի թեփ

Ինչո՞ւ և որքա՞ն ուտել հացահատիկի թեփ

Թեփը ստանալու համար մանրացնում են հացահատիկը։ Այն ներառում է վիտամիններ՝ PP, B1, B2, E, երկաթ, մագնեզիում, ցինկ, կալիում և այլ օգտակար հանքային տարրեր: