Խեցգետնի միս․ օգտակար հատկություններն ու հակացուցումները
Բոլորն էլ կյանքում գոնե մեկ անգամ փորձած կլինեն այդ նրբահամ ծովային դելիկատեսը՝ խեցգետնի միսը։ Խոսքը հայտնի փոխարինողի՝ «խեցգետնի ձողիկների» մասին չէ, որոնք պատրաստում են ձկան սպիտակուցից և գունանյութերից, խոսքը բնական մթերքի՝ ծովային կենդանու մսի մասին է։
Այն պարունակում է օգտակար բազմաթիվ նյութեր, վիտամին A, B խմբի վիտամիններ՝ (В1, В2, В5, В6, В9 և В12), միկրոտարրեր և մակրոտարրեր՝ երկաթ, կալիում, կալցիում, յոդ, պղինձ, ֆոսֆոր, սելեն և հանքաին այլ նյութեր։ Պարունակում է նաև ամինաթթուներ և այնպիսի ճարպաթթուներ, ինչպիսիք են օմեգա-3-ը և օմեգա- 6-ը։
Կալորիականությունը
100 գրամ միսը 99 կկալ է։
Օգտակար հատկությունները
Բարենպաստ ազդեցություն է թողնում սրտանոթային համակարգի աշխատանքի վրա, ամրացնում է սրտամկանը, արյան մեջ կարգավորում է խոլեստերինի մակարդակը, նվազեցնում է սրտի և անոթների հիվանդությունների առաջացման հավանականությունը։
Դրականորեն է ազդում վահանաձև գեղձի և էնդոկրին համակարգի աշխատանքի վրա։
Խեցգետնի միսն օգտակար է մարսողական համակարգի համար։
Նպաստում է տեսողության լավացմանը։
Օգնում է պայքարել սթրեսի դեմ, լավացնում է տրամադրությունը, ամրացնում է նյարդային համակարգը։
Խորհուրդ է տրվում գիրության դեմ պայքարող մարդկանց, քանի որ դիետիկ է։
Օգնում է օրգանիզմին պաշտպանել վաղաժամ ծերացումից։
Դրականորեն է ազդում մաշկի վրա։
Խեցգետնի միսը բնական աֆրոդիզիակ է համարվում և նպաստում է տղամարդկանց պոտենցիայի բարձրացմանը։
Հակացուցումները
Չի կարելի խեցգետնի միս ուտել, եթե կա ծովային սպիտակուց պարունակող մթերքների ալերգիա: