Քրքում․ օգտակար հատկություններն ու հակացուցումները

01.02.20185916

Քրքում աշխարհում ամենահայտնի համեմունքներից մեկն է։ Համային հրաշալի որակներից բացի օժտված է նաև օգտակար բազմաթիվ հատկություններով և բնական հակաբիոտիկ է համարվում։

Քրքումով են համեմում տարատեսակ ուտեստներ՝ ձվածեղ, աղցաններ, սոուսներ, ապուրներ, մակարոնեղեն, բրինձ, մսային ու ձկնային ուտեստներ, անգամ հրուշակեղեն և այլն։

Այն պարունակում է վիտամին C, K, E, ինչպես նաև B խմբի վիտամիններ (B1, B2, B3, B6, B9), եթերային յուղեր, երկաթ, քրքում գունանյութ, յոդ, ֆոսֆոր, կալցիում, սելեն և առողջության պահպանման համար կարևոր այլ նյութեր։

Կալորիականությունը

100 գր քրքումի կալորիականությունը 350 կկալ է։

Օգտակար հատկությունները

Նպաստում է իմունիտետի ամրապնդմանը։

Օժտված է հակամանրէային ուժեղ ազդեցությամբ և բնական հակաբիոտիկ է համարվում, որը բացասաբարի չի ազդում լյարդի և ստամոքսաղիքային տրակտի վրա։

Կանոնավոր օգտագործման դեպքում քրքումը նվազեցնում է օնկոլոգիական հիվանդությունների առաջացման հավանականությունը։

Նպաստում է սրտամկանի ամրացման, ճնշման կարգավորմանը, բարենպաստ ազդեցություն է թողնում անոթների վրա, լավացնում է արյան որակը։

Օգտակար է բրոնխային-թոքային հիվանդություն ունեցող մարդկանց համար։

Բարենպաստ ազդեցություն է թողնում նյարդային համակարգի վրա։

Լավ ազդեցություն է թողնում ստամոքսաղիքային տրակտի աշխատանքի վրա, մեծացնում է աղորժակը, լավացնում է մարսողությունը և ծանր սննդի յուրացումը, կարգավորում է լեղապարկի և ենթաստամոքսային գեղձի աշխատանքը, լավացնում է ստամոքսի միկրոֆլորան, նվազեցնում է գազագոյացումը։

Օրգանիզմը մաքրում է խարաններից և թույներից։

Քրքումն օգտակար է կնոջ առողջության համար, նպաստում է մենստրուալ ցիկլի կարգավորմանը, պաշտպանում է գինեկոլոգիական հիվանդություններից, լավացնում է վերարտադրողական ֆունկցիան։

Շատ օգտակար է նաև տղամարդկանց համար, պաշտպանում է պրոստատիտից, ուժեղացնում է սեռական ֆունկցիան։

Քրքումը շատ լավ է ազդում նաև ոսկորների վրա, այդ պատճառով խորհուրդ է տրվում ընդգրկել երեխաների և տարեցների սննդակարգում։

Նպաստում է սպիտակուցների յուրացմանը, ինչը շատ կարևոր է սպորտսմենների և երեխաների համար։

Հակացուցումները

Լեղապարկի և լեղուղիների հիվանդությունների, հղիության, ինչպես նաև դեղորայքային բուժում ստանալու ընթացքում քրքումն օգտագործելուց առաջ պետք է խորհրդակցել բժշկի հետ։ Բացի այդ անգամ լիովին առողջ մարդիկ չպետք է մոռանան, որ քրքումն օգտակար է միայն չափավոր և կանոնավոր օգտագործման դեպքում։