Նստանյարդի բորբոքումը (իշիաս) հղիության ընթացքում

Նստանյարդի բորբոքումը (իշիաս) հղիության ընթացքում

Նստանյարդաբորբը ողնուղեղի գոտկասրբոսկրային բաժնի նյարդարմատների, գլխավորապես նստանյարդի բորբոքումն է, որ շատ հաճախ է հանդիպում հղիության ընթացքում, հատկապես վերջին ամիսների ընթացքում։ Մարդու օրգանիզմի ամենամեծ ու ամենաերկար նյարդի բորբոքումն այդ շրջանում պայմանավորված է առաջին հերթին ողնաշարի աճող ծանրաբեռնվածությամբ։

Պատճառները

Հղի կնոջ տարիքը որևէ նշանակություն չունի։ Հիվանդության նշաններ կարող է զգալ նաև երիտասարդ կինը։ Կարելի է ասել, որ նստանյարդաբորբը հղիության կողմնակի ազդեցություն է։ Խնդիրը կանխելու համար հարկավոր է վարժությունների միջոցով ամրացնել ողնաշարի մկանները դեռևս նախքան հղիությունը։

Այսպիսով, հղի կանանց իշիասի առաջին պատճառը ողնաշարի մկանահոդային ապարատի թուլությունն է։ Մեծացող արգանդի ծանրությունը, մարմնի ծանրության կենտրոնի փոփոխությունը, ընդհանուր ծանրաբեռնվածությունը նստանյարդաբորբի առաջացման գործոն են դառնում։

Հաճախ իշիասն առաջանում է ի պատասխան քրոնիկական փորկապության։ Ընդ որում՝ կարող է այսպես կոչված՝ տանձաձև մկանի համախտանիշ ի հայտ գալ։ Այդ մկանը գտնվում է նստատեղի մեծ մկանի տակ։ Փորկապության ժամանակ նրա սպազմի արդյունքում նստանյարդը սեղմվում է և սկսում բորբոքվել։

Ախտանշանները

Առաջին հերթին գոտկասրբանային հատվածում ցավ է առաջանում, որն արագ անցնում է կանգնած ժամանակ։ Ցավը լինում է սուր կամ նվացող, ալիքաձև կամ կրակող։ Ցավը հնարավոր է, որ այնքան ուժգնանա, որ կինը չկարողանա գիշերը վեր կենալ։ Ցանկացած փոքր շարժում, անգամ փռշտոցը կարող է ուժեղացնել ցավը։

Բուժումը

Բուժումն առաջին հերթին ուղղվում է ցավի մեղմացմանը։ Հղի կնոջ համար մանուալ թերապևտի աշխատանքն ավելի նպատակահարմար է, քանի որ հղիության ընթացքում մի շարք դեղամիջոցներ արգելված են։ Մանուալ թերապիային զուգահեռ բժիշկ-վերտեբրոլոգը նշանակում է ողնաշարի մկանների հանգստացման և թուլացման հատուկ վարժություններ։ Անհրաժեշտության դեպքում մասնագետը սովորեցնում է բուժական մարմնամարզության հմտություններ։

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար