Ցնցուղով լոգանքը հղիության ընթացքում

Ցնցուղով լոգանքը հղիության ընթացքում

Ցնցուղը հիգիենիկ այն հիմնական միջոցն է, որը հասանելի է հղի կանանց և ցուցված է հղիության բոլոր ժամկետներում։ Կարելի է և՛ ընդհանուր ցնցուղ ընդունել, և՛ տեղային՝ լվանալով մարմնի միայն ինտիմ հատվածներն ու կուրծքը։

Ընդհանուր կանոններ հղի կանանց համար

1. Ջրի ջերմաստիճանի կտրուկ տարբերության բացակայություն։ Կոնտրաստային լոգանքը թարմանալու և մաշկը լավ վիճակում պահելու լավագույն ձևը չէ։ Հղիության ուշ ժամկետներում հղիազոլերի կանխարգելման համար կոնտրաստային ցնցուղումը կատարում են որովայնի, կրծքի և ազդրերի հատվածում գոլ և տաք ջրի հերթագայությամբ (գոլ, այլ ոչ թե սառը)։

2. Ջրի թույլ շիթ։ Ջրի ուժեղ շիթը կարող է արգանդի հիպերտոնուս առաջացնել, հատկապես, երբ համադրվում է կոնտրաստային լոգանքի հետ։

3. Խուսափել շատ տաք ջրից։ Տաք ջրի ազդեցությամբ անոթները լայնանում են, ինչը կարող է գիտակցության կորստի պատճառ դառնալ հատկապես հղիության վաղ ժամկետներում և ծննդաբերությունից առաջ։

Ճիշտ կլինի՝

  • ցնցուղով լողանալ օրական երկու անգամ, 
  • տաք կամ գոլ ջուր օգտագործել, 
  • չմրսել լոգանքից հետո։ Ոտքերի հատվածի կոնտրաստային լոգանքը կօգնի խուսափել երակների վարիկոզ լայնացումից։ Ջրի շիթը պետք է ուղղել ներքևից վերև՝ դեպի ազդրերը։ Լոգանքը պետք է հաճելի լինի և անհանգստություն չպատճառի։

Սահմանափակումներ

Հետևյալ վիճակների դեպքում հարկավոր է հնարավորինս կրճատել լոգանքի տևողությունը, իսկ ջրի ջերմաստիճանը մոտեցնել մարմնի ջերմաստիճանին։

  • Հղիության ընդհատման կամ վաղաժամ ծննդաբերության վտանգ։ 
  • Ընկերքի առաջադրություն։ 
  • Վաղ տոքսիկոզ, որն ուղեկցվում է գլխապտույտով և գիտակցության կորստով։ 
  • Պրեէկլամպսիայի, գեստացիոն անոթային հիպերտենզիայի ֆոնին ընթացքող հղիություն (շատ տաք ջուրը կարող է անոթային ճնշման կտրուկ տատանումներ առաջացնել, ինչը կարող է վատացնել իրավիճակը և տխուր հետևանքների հանգեցնել)։ 

Ըստ ցուցման հնարավոր է, որ Շարկոյի լոգանք նշանակվի։ Օրինակ, երբ հղի կինը ողնաշարի որևէ բնույթի ախտահարում ունի (օրինակ՝ բնածին կիֆոսկոլիոզ, վնասվածքի հետևանք և այլն) և հղիությունը ցավ ի պատճառ է դառնում։ Դեղորայքային բուժումը հղիության ընթացքում խստիվ սահմանափակված է, ուստի հնարավորինս օգտագործվում են ոչ դեղորայքային մեթոդները՝ մերսում, ջրային պրոցեդուրաներ և այլն։

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար