Հղիություն և սեռական կյանք․ պե՞տք է դադար տալ

Հղիություն և սեռական կյանք․ պե՞տք է դադար տալ

Երեխայի սպասող ամուսինների գրեթե կեսը ժամանակավորապես դադարեցնում է սեռական կյանքը։ Պե՞տք է արդյոք հրաժարվել սեռական հարաբերությունից։

Հղիությանը նթացքում կնոջ մարմինը փոփոխվում է, փոփոխության է ենթարկվում նաև նրա հուզական աշխարհը։ Կնոջ սեռական ցանկությունը կարող է տատանվել՝ կախված եռամսյակից։ Հոգեբանական ասպեկտներից բացի լիբիդոյի վրա ազդում են նաև հորմոնային և ֆիզիկական փոփոխությունները։

Առաջին եռամսյակում կուրծքը լարված է լինում, հաճախ սրտխառնոց ու փսխելու ցանկություն է առաջանում, և այդ պայմաններում շատ կանայք պարզապես ռոմանտիկայի հավես չեն ունենում։ Հորմոնների փոփոխությունները և ընդհանուր հոգնածությունը նույնպես նպաստում են սեռական ցանկության անկմանը։ Շատերին խանգարում է նաև վիժելու վախը, չնայած որ սեքսի և վիժման կապը հաստատված չէ որևէ հետազոտությամբ։

Երկրորդ եռամսյակն ամենահարմարն է սեռական հարաբերության համար։ Երեխան սկսում է շարժվել, և վիժման վախն անհետանում է։ Այդ շրջանում ֆիզիկական փոփոխություններն ակնհայտ են դառնում`կուրծքն ու որովայնն զգալիորեն մեծանում են, սակայն կինը դեռևս չի զգում երեխայի ծանրությունը, և ոմանց իրենց արտաքինն ավելի գրավիչ է թվում։

Երրորդ եռամսյակում առաջնային տեղում են հայտնվում ֆիզիկական անհարմարությունները։ Եթե անգամ իրավիճակը բարդանում է որովայնի մեծության պատճառով, միևնույնն է սիրով զբաղվել հնարավոր է անգամ մինչև ծննդաբերությունը (եթե չկան հակացուցումներ): Այդպիսով հղիության վերջին ամիսները կարող են նոր դիրքերի ու զգացումների բացահայտման հնարավորություն ընձեռել։ Վերջին ամիսներին ցանկալի է խուսափել «տղամարդը վերևից» դիրքից, որպեսզի որովայնի վրա ճնշում չգործադրվի, փորձեք նստած դիրքերը։

Կարդացեք՝

Սեռական կյանքը հղիության ընթացքում․ հոգեբանական և ֆիզիոլոգիական գործոններ

Այդուհանդերձ, կա՞ վտանգ

Տարածված մի տեսակետ կա, որի համաձայն օրգազմը նպաստում է արգանդի կրճատմանը և հանգեցնում վաղաժամ ծննդաբերության։ Իրականում խոսքը կծկանքի մասին չէ։ Օրգազմը կարող է արգանդի կրճատում առաջացնել, բայց կարճատև, ընդամենը 3-4 անգամ։ Երեխան չի զգում այդ կրճատումները, քանի որ պաշտպանված է պտղաջրի շերտով։

Կարելի է սեռական հարաբերություն ունենալ, եթե հղիությունն ընթանում է առանց խնդիրների։ Եթե հեշտոցում անսովոր արտադրություն է նկատվում կամ նախկինում եղել է վաղաժամ ծննդաբերություն, ապա ավելի լավ է խուսափել մերձեցումից։ Հակացուցում է համարվում նաև ընկերքի առաջադրությունը (երբ ընկերքը գտնվում է արգանդի ստորին հատվածում, հենց ծննդուղու վրա)։ Մի ամաչեք և բժշկի հետ քննարկեք ռիսկի գործոնները։

Հաճույքն սկսվում է փոխըմբռնումից

Սիրով զբաղվելիս շատ բան կախված է փոխվստահությունից։ Հղիությունն այդ իմաստով բացառությունչէ։ Սեռական ցանկության անկումը կարող է պայմանավորված լինել զուգընկերների լարվածությամբ, անհարմարությունների ու նոր զգացողությունների հանդեպ վախով։ Երբեմն տղամարդիկ սկսում են տագնապել «երրորդի» ներկայությունից, կարծես նաև հետևում է իրեն և կարող է արձագանքել իր շարժումներին:

Անհանգստանալ պետք չէ։ Բնությունը հոգացել է, որ երեխան հուսալիորեն պաշտպանված լինի մոր արգանդում։ Լավագույն ընտրությունը իրադրությունը քննարկելն է։ Ավելի լավ է խոսել այն ամենի մասին, ինչն անհանգստացնում է ձեզ, խոսեք ձեր ցանկությունների ու նախապատվությունների մասին, ասեք, թե ինչպես կուզենայիք, որ զուգընկերը վարվեր ձեզ հետ։

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար