10 ամսական երեխայի զարգացումը

10 ամսական երեխայի զարգացումը

10 ամսականում երեխան հաճույքով կատարում է մեծահասակների հանձնարարությունները, երբեմն էլ ինքնուրույն է իր համար զբաղմունք գտնում: Եթե ցանկանում եք, որ երեխան գործունյա և նախաձեռնող մեծանա, պետք է խրախուսել նրա ձգտումները:

Սկզբնական շրջանում փոքրիկն ավելի շուտ խանգարում է տնային գործերին, սակայն դրա համար նրան հեռացնել պետք չէ: Չի կարելի երեխային պատժել փչացրած որևէ իրի համար, չէ որ նա փորձում էր օգնել:

Ինչ է կարողանում անել երեխան 10 ամսականում

Նմանակելով ծնողներին՝ արտաբերում է իր համար նոր վանկեր, փորձում է պարզ բառեր արտասանել՝ տարբեր տոնայնությամբ: Հասկանում է այոն և ոչը, չի կարելի, գնացինք և այլ բառեր: Մեծահասակի խնդրանքով կարող է կրկնել նախորոք սովորած գործողությունը:

Ինքնուրույն կանգնում է, ավելի զգուշորեն է նստում կանգնած դիրքից: Անհրաժեշտ է երեխային սովորեցնել ինքնուրույն բարձրանալ բազմոցի վրա և զգուշորեն իջնել, որպեսզի չընկնի ու չվնասի իրեն, սովորեցրեք չորեքթաթ իջնել և բարձրանալ աստիճանները:

Շատ երեխաներ կարողանում են ինքնուրույն խմել բաժակից և օգտվում են գդալից, ինչն իհարկե սկզբում այնքան էլ հաջող չի լինում: Ժամանակի ընթացքում գործողությունների կոորդինացիան և հստակությունը բարելավվում են:

10 ամսականում երեխան ունի իր սիրելի զբաղմունքը. նկարել, երգել, պարել, խաղալիքներով զբաղվել: Շատ զգայուն է երաժշտության հանդեպ, իրեն դուր եկած մեղեդու տակ պարում է, ռիթմիկ շարժումներ անում: Խաղալիքների և շորերի տեսականուց ընտրում է իրեն դուր եկածը: Տարբերում է առարկան ու երևույթը:

Երեխայի զարգացումն իհարկե շատ անհատական է, ոմանք այս հասակում կարողանում են գիտակցված մի քանի բառ արտասանել, ոմանք ավելի ակտիվ են շարժումներում, քայլելու փորձեր են անում: Սովորաբար այս հասակի երեխաները բավականին շարժուն են, շատ լավ սողում են չորեքթաթ: Մեծ հետաքրքրությամբ ուսումնասիրում են շրջակա միջավայրը, ձգտում են հասնել վերևում դրված իրերին:

Օրական քնում է 12-14 ժամ, որից 10-11-ը՝ գիշերը: 2-3 անգամ մայրական կաթ է ուտում: Դրան զուգահեռ ուտում է բանջարեղենային և մրգային շիլաներ, մսի արգանակ, ապուրներ: Այս հասակում երեխային դեռ չի կարելի տալ կծու համեմունքներ, կակաո, սուրճ, տապակած, ապխտած միս:

Երեխային անհրաժեշտ է լողացնել ամեն օր, զբոսնել դրսում առնվազն 2 ժամ: Հիշեք երեխային հագցնել ըստ եղանակի՝ ոչ շատ տաք, ոչ շատ ցուրտ:

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար