Հղիություն և քրոնիկական դուոդենիտ

Հղիություն և քրոնիկական դուոդենիտ

Քրոնիկ դուոդենիտը տասներկումատնյա աղիքի լորձաթաղանթի քրոնիկական բորբոքումն է, որն ուղեկցվում է գեղձային ապարատի կառուցվածքային վերակառուցման, մետապլազիայի և ատրոֆիայի (ապաճման) զարգացմամբ։

Կանխարգելումը

Կանխարգելումը ենթադրում է ռացիոնալ սնունդ, պայքար ալկոհոլիզմի դեմ, այլ հիվանդությունների վաղ բուժում, այնպիսի հիվանդությունների, որոնց ֆոնին կարող է երկրորդային դուոդենիտ առաջանալ։

Դասակարգումը

Առանձնացնում են դուոդենիտի սուր և քրոնիկական տեսակներ, տարածված և սահմանափակված։

Քրոնիկական դուոդենիտը լինում է՝

  • մակերեսային, 
  • ատրոֆիկ, 
  • ինտերստիցիալ, 
  • հիպերպլաստիկ կամ էրոզիվախոցային։

Առաջացումը

Անկանոն սննդակարգ՝ լի կծու, գրգռող, շատ տաք ուտեստներով, ոգելից խմիչքներով։ Երկրորդային քրոնիկական դուոդենիտ է դիտվում քրոնիկական գաստրիտի, ստամոքսի և տասներկումատնյա աղիքի խոցային հիվանդության, լյամբլիոզի, սննդային ալերգիայի, ուրեմիայի դեպքում։

Պատճառներն են՝

  • սխալ սննդակարգ (կծու, խիստ տաք և չոր սննդի, ալկոհոլի օգտագործում), 
  • սթրեսներ, 
  • Helicobacter рylori բակտերիա, 
  • դեղամիջոցների երկարատև օգտագործում, 
  • ծխախոտ, 
  • աղիքային վարակներ,
  • բերանի խոռոչի և կոկորդի քրոնիկական բորբոքումներ, 
  • լյարդի, ենթաստամոքսային գեղձի, լեղապարկի հիվանդություններ։

Կլինիկական պատկերը

Բնորոշ է էպիգաստրալ հատվածի ցավը, ախորժակի անկումը, սրտխառնոցը, երբեմն փսխումը, փքվածությունը։ Հղի կանայք հիվանդության սրման շրջանում գանգատվում են այրոցից։ Քրոնիկական դուոդենիտին բնորոշ է սրման պարբերականությունը (գարուն-աշուն)։

Գեստացիայի բարդությունները

Հաճախ քրոնիկական դուոդենիտի սրացում է դիտվում հղիության I եռամսյակում կամ ծննդաբերությունից 3-4 շաբաթ առաջ։ Հնարավոր է, որ վաղ տոքսիկոզ առաջանա։

Ախտորոշումը

Անամնեզ

Ախտորոշումը հիմնվում է հիվանդության պատմության տվյալների և մարմնի համապատասխան հատվածում ցավի առկայության վրա։

Ֆիզիկալ հետազոտություն

Որովայնը շոշափելիսորովայնի առաջնային պատի և էպիգաստրալ հատվածում որոշակի լարվածություն է զգացվում։

Լաբորատոր հետազոտություններ

Քրոնիկական դուոդենիտի ախտորոշման ամենահավաստի մեթոդն էնդոսկոպիան է։ ՈւՁՀ-ն ցույց է տալիս տեղային ցավը՝ թույլ տալով տարբերել դուոդենիտով պայմանավորված ցավը խոլեցիստիտի և լեղաքարային հիվանդության ցավից։

Բուժումը

Բուժման նպատակը հիվանդության վերացումն է։

Ոչ դեղորայքային բուժում

Հիվանդության սրման դեպքում ցուցվում է անկողնային կամ պալատային ռեժիմ, հատուկ դիետա, հանքային ջրերի օգտագործում (Արզնի):

Դեղորայքային բուժում

Քրոնիկական դուոդենիտի բուժումը պետք է համակողմանի լինի, խիստ անհատական։ Դեղորայքային թերապիան անցկացնում են միայն հիվանդության սրման ժամանակ, սննդի ռեժիմի պահպանման, դիետայի դեպքում արդյունքի բացակայության պայմաններում։

Ծննդալուծման ժամկետի և մեթոդի ընտրություն

Ծննդալուծումն իրականացվում է սահմանված ժամկետում, բնական ճանապարհով։

Նմանատիպ նյութեր

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար