Ատրոֆիկ վագինիտ

Ատրոֆիկ վագինիտ

Ատրոֆիկ վագինիտն ախտանշանների համալիր է, պայմանավորված է էստրոգենների մակարդակի զգալի նվազմամբ, ինչը հանգեցնում է հեշտոցի բազմաշերտ հարթ էպիթելի բարակմանը, չորության, քորի և բորբոքային կրկնվող ռեակցիայի։ Հիվանդությունը բնորոշ է մեծահասակ և արհեստական մենոպաուզա ունեցող կանանց։ Ի հայտ է գալիս բնական կամ արհեստական մենոպաուզայից 5-6 տարի անց։

Կանխարգելումը

Կանխարգելման միակ մեթոդը հորմոնային փոխարինիչ թերապիան է։

Դասակարգումը

Առանձնացվում է ատրոֆիկ վագինիտի երկու ձև՝ պոստմենոպաուզալ և կապված արհեստական մենոպաուզայի հետ։

Առաջացումը

Ատրոֆիկ վագինիտի հիմնական պատճառը արհեստական մենոպաուզայի ֆոնին առաջացած հիպոէստրոգենիան է, կամ էլ պայմանավորված է օրգանիզմի ընդհանուր ֆիզիոլոգիական ծերացմամբ։

Կլինիկական պատկերը

Դիտվում են հիպոէստրոգենիայի կլինիկական տեղային դրսևորումներ հեշտոցում՝ չորություն, քոր, այրոց և այլն, հեշտոցի միկրոբիոցենոզի փոփոխություններ, որոնք բնորոշ են պոստմենոպաուզալ շրջանին, հանգեցնում են ոչ բնորոշ կոլպիտների կրկնման։

Ախտորոշումը

Ատրոֆիկ վագինիտի ախտորոշումն իրենից ոչ մի բարդություն չի ներկայացնում։ Հիմնված է հիվանդության պատմության, զննման, կոլպոսկոպիայի, կոլպոցիտոլոգիայի, հեշտոցի pH-ի որոշման, միկրոբիոլոգիական հետազոտության և հեշտոցի առողջության ինդեքսի որոշման տվյալների վրա։

Բուժումը

Թերապիայի նպատակը բազմաշերտ հարթ էպիթելի վերականգնումն է և վագինիտի ախտադարձի հավանականության նվազեցումը։ Ատրոֆիկ վագինիտը բուժում են միայն ամբուլատոր պայմաններում։

Ոչ դեղորայքային բուժում

Ոչ դեղորայքային մեթոդներ դեռևս մշակված չեն։

Դեղորայքային բուժում

Ատրոֆիկ վագինիտի բուժման միակ մեթոդը հորմոնային փոխարինիչ թերապիան է՝ տեղային կամ համակարգային ազդեցությամբ։

Տեղեկություն հիվանդի համար

Ատրոֆիկ վագինիտը պոստմենոպաուզալ շրջանի դրսևորումներից մեկն է։ Ժամանակին ստացած գինեկոլոգիական խորհրդատվությունը և հորմոնային փոխարինիչ թերապիայի նշանակումը թույլ են տալիս ոչ միայն խուսափել միզասեռական համակարգի փոփոխություններից, այլև նվազեցնել սրտանոթային հիվանդությունների և օստեոպորոզի առաջացման հավանականությունը։

Կարդացեք՝ Օստեոպորոզը և կլիմաքսը

views 9301
Կարո՞ղ է բարձր պրոլակտինը խանգարել հղիանալուն

Հղիության պլանավորում

Կարո՞ղ է բարձր պրոլակտինը խանգարել հղիանալուն

Ինչո՞ւ է կարևոր գնահատել արգանդի խոռոչը մինչև ԱՄԲ

Վերարտադրողական շրջան

Ինչո՞ւ է կարևոր գնահատել արգանդի խոռոչը մինչև ԱՄԲ

Ձվազատման բացակայություն․ ինչո՞ւ է դաշտանը լինում, բայց հղիություն չի գրանցվում

Այլ նյութեր

Ձվազատման բացակայություն․ ինչո՞ւ է դաշտանը լինում, բայց հղիություն չի գրանցվում

Վաղաժամ ձվարանային անբավարարություն․ հնարավո՞ր է, որ 35 տարեկանում ձվարանների ֆունկցիան նվազի

Վերարտադրողական շրջան

Վաղաժամ ձվարանային անբավարարություն․ հնարավո՞ր է, որ 35 տարեկանում ձվարանների ֆունկցիան նվազի