Քաշը հղիության ընթացքում

Քաշը հղիության ընթացքում

Չափից շատ գիրանալու վախը շատերին է ուղեկցում հղիության ամբողջ ընթացքում։

Քաշի բնականոն չափը հղիության ընթացքում

Հղիության ընթացքում քաշն անպայմանորեն ավելանում է, և այդ պարագայում խիստ կարևորվում է ախտաբանական ավելացումը ճիշտ ժամանակին նկատելը։ Այդ պատճառով էլ յուրաքանչյուր այցի ժամանակ կինը կշռվում է։

Առաջին եռամսյակի ընթացքում հաճախ կինը նիհարում է։ Այդ հանգամանքը պայմանավորված է տոքսիկոզով՝ սրտխառնոցով և փսխումով։ Եթե անգամ տոքսիկոզ չկա, հղի կինը միևնույնն է 1-2 կգ-ով է գիրանում։

Կարդացեք՝ Քաշի ավելացումը հղիության ընթացքում․ երբ և որքան

Քաշն զգալիորեն ավելանում է երկրորդ եռամսյակի ընթացքում, իսկ ավելացման բնական չափը կախված է մի քանի գործոնից։ Մեծանում է ճարպային հյուսվածքի քանակը, աճում է արգանդը, իսկ վերջինիս հետ նաև պտուղը։ Կարևոր դեր է խաղում նաև հարպտղային հեղուկի քանակությունը և ընկերքի չափը։ Օրգանիզմում բազմաթիվ փոփոխություններ են կատարվում, որոնք ապահովում են հղիության բնականոն ընթացքը։

Ինչո՞վ է պայմանավորված հղիության ընթացքում քաշի ավելացումը

Ահա որոշ գործոններ, որոնք կօգնեն հասկանալ՝

  • կնոջ քաշը նախքան հղիանալը, 
  • կնոջ տարիքը (որքան կինը մեծ է, այնքան մեծ է զգալիորեն գիրանալու հավանականությունը, ինչը բացատրվում է գիրանալու հակմամբ), 
  • կմախքի առանձնահատկությունները, 
  • տոքսիկոզը (վաղ ժամկետում տոքսիկոզը հաճախ նպաստում է նիհարելուն, սակայն հետագայում օրգանիզմն անպայման փոխհատուցում է հղիության ընթացքում քաշի պակասը), 
  • ախորժակի լավացում (հորմոնային փոփոխությունների արդյունքում հաճախ ախորժակը լավանում է)։

Քաշն ըստ հղիության շաբաթների

Կա հատուկ աղյուսակ, որի շնորհիվ հնարավոր է հաշվել գիրանալու առավելագույն չափը։ Այդ աղյուսակը հիմնված է մարմնի զանգվածի ինդեքսի վրա։ Բանաձևն է՝ կգ/քառ․մ։

Կարդացեք՝ Քաշ, մարմնի զանգվածի ինդեքս

Ավելորդ քաշը վտանգավոր է

Հաճախ մարմնի զանգվածի զգալի ավելացման պատճառը լինում է այտուցվածությունը և ոչ թե ճարպային հյուսվածքի ավելացումը։ Սկզբնական շրջանում հեղուկի կուտակումն աննկատ է, սակայն հետագայում տարածվում են մարմնի տարբեր մասերում՝ ոտքեր, ձեռքեր, դեմք և այլն։ Այտուցների առաջացման մի քանի պատճառ կա։

Կարդացեք՝ Այտուցվածությունը հղիության ընթացքում

Բազմաթիվ կանանց դեպքում այն ի հայտ է գալիս վերջին եռամսյակում և համարվում է բնական երևույթ։ Պատճառն օրգանիզմի ֆիզիոլոգիական վերակառուցման մեջ է թաքնված։ Եթե նախքան հղիանալը կինը սրտի կամ երիկամների հետ կապված խնդիրներ է ունենում, ապա հղիության ընթացքում այտուցվածությունը դառնում է հիվանդության արտահայտման ախտանշան։ Ամենաբարդ պատճառը գեստոզն է։

Այդ ախտորոշումը տրվում է երկուսից երեք ախտանշանի առկայության դեպքում՝ այտուցներ, բարձր ճնշում, մեզում սպիտակուցի առկայություն։ Գեստոզը լուրջ բարդություն է և անհապաղ բուժում է պահանջում։

Կարդացեք՝ Ի՞նչ է գեստոզը

Այն կանայք, ովքեր չեն վերահսկում քաշի ավեացումը, երակների վարիկոզ լայնացման վտանգի են ենթարկում իրենց։ բացի այդ, նրանց օրգանիզմում խանգարվում է նյութափոխանակությունը, մեծանում է մարսողական օրգանների և սրտի ծանրաբեռնվածությունը։ Խոլեստերինի բարձր մակարդակը բացասաբար է ազդում անոթների վրա, լյարդն սկսում է ծանրաբեռնված աշխատել։

Հնարավոր է, որ գեստացիոն շաքարային դիաբետ առաջանա։ Ավելորդ քաշի դեպքում մեծանում է խոշոր երեխայի լույս աշխարհ գալու հավանականությունը, ինչը կարող է պատռվածքների և այլ բարդությունների առաջացման պատճառ դառնալ։

Կարդացեք՝ Հղիության ընթացքում սնվելու ուղեցույց

Հղիության ընթացքում պետք է ուշադրություն դարձնել սննդի օրաբաժնին, սնվել հաճախ, բայց քիչ չափաբաժնով։ Չպետք է անտեսել նաև ֆիզիկական ծանրաբեռնվածությունը, հարկավոր է զբոսնել, մարմնամարզությամբ զբաղվել և հղի կանանց համար նախատեսված վարժություններ կատարել, որոնք ոչ միայն կբարելավեն հղիության ընթացքը, այլև կնպաստեն թեթև ծննդաբերությանը։

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար