Ցավազրկող միջոցները դաշտանի օրերին

Ցավազրկող միջոցները դաշտանի օրերին

Դաշտանին ուղեկցող ցավը շատերին է անհանգստացնում։ Հնարավոր է, որ այն այնքան էլ ուժեղ չլինի, լինի տևական, թուլություն առաջացնող, գուցեև` անտանելի։ Ինչո՞ւ է ոմանց դեպքում ցավն այդքան ուժեղ լինում, մյուսների դեպքում՝ թույլ։ Ինչպե՞ս մեղմել այն։

Կարդացեք՝ Ինչո՞ւ է դաշտանն ուղեկցվում ցավով

Ուժգին ցավը դաշտանի ժամանակ

Այդ վիճակը բժշկության մեջ կոչում են դիսմենորեա, որն ինքնին դաշտանային ֆունկցիայի խանգարում է, որն ուղեկցվում է որովայնի ստորին հատվածի և գոտկատեղի ցավով։ Բացի այդ, դիտվում է նաև գլխացավ, սրտխառնոց, փսխում և այլն։ Տարբերում են առաջնային և երկրորդային դիսմենորեա։ Առաջացման պատճառները բազմաթիվ են։

Կարդացեք՝ Դիսմենորեա

Առաջնային դիսմենորեան բնորոշվում է կոնքի ախտաբանական փոփոխությունների բացակայությամբ, իսկ ցավը պայմանավորված է լինում հետևյալ գործոններով՝

  • հորմոնային համակարգի խանգարում, վահանագեղձի աշխատանքի մեծ ակտիվություն,
  • բեղմնականխիչներ, մասնավորապես՝ ներարգանդային պարույր,
  • բարձր զգայունակություն օրգանիզմում կատարվող փոփոխությունների հանդեպ,
  • արգանդի դիրքի շեղում, 
  • աբորտ, հետծննդաբերական շրջան, 
  • անկանոն սեռական կյանք,
  • ժառանգականություն, 
  • կալիումի և մագնիումի անբավարարություն և այլն։

Այդ դեպքում ցավն առաջանում է դաշտանից առաջ կամ առաջին երկու օրվա ընթացքում։

Երկրորդային դիսմենորեային բնորոշ են կոնքի ախտաբանական փոփոխությունները, իսկ ցավն առաջանում է գինեկոլոգիական հիվանդության պատճառով։ Դիտվում է սրտխառնոց, փսխում, արյունը թանձրուկներով է արտահոսում, իսկ ցավն այնքան ուժեղ է, որ չի դադարում անգամ ցավազրկող ընդունելուց հետո։

Կարելի է ցավազրկող դեղամիջոց ընդունել միայն առաջնային պատճառներով ի հայտ եկած ցավի դեպքում։

Ինչպե՞ս ազատվել ցավից առանց դեղորայքի

Հարկավոր է հարմարավետ դիրքով պառկել անկողնուն, ոտքերը մոտեցնել կրծքավանդակին և պահել ձեռքերով այնքան ժամանակ, մինչև ցավը թուլանա։

Մի քանի րոպե որովայնին ջեռակ դրեք՝ լցված սառը ջրով։

Տաք թեյ խմեք (կարելի է մի քիչ կոնյակ կամ բալզամ ավելացնել)։

Ցավազրկող դեղամիջոցներ

Ոչ ստերոիդային դեղապատրաստուկներ

Այդ խմբի դեղամիջոցներն օժտված են ուժեղ ազդեցությամբ, դրանք կարելի է խմել դաշտանից առաջ։ Կարելի է ընտրել նշված տարբերակներից մեկը։

Պարացետամոլ՝ մեկ հաբ օրվա ընթացքում 2-3 անգամ։

Իբուպրոֆեն՝ օրվա ընթացքում 2-3 հաբ։

Պիրոքսիկամ՝ օրվա ընթացքում 2-3 հաբ։

Կետոպրոֆեն՝ մեկ հաբ օրվա ընթացքում 2 անգամ։

Նիմեսիլ` օրվա ընթացքում 2-3 անգամ և այլն:

Սպազմոլիտիկներ

Սպազմոլիտիկների ազդեցությունը փոքր-ինչ ուշ է զգացվում։ Դրանք կարելի է խմել ոչ ստերոիդային միջոցների հետ։ Ընտրեք նշված դեղամիջոցներից մեկը։

Պապավերին մոմիկ՝ օրական երկու անգամ (հետանցքից)։

Նո-շպա՝ երկու հաբ օրվա ընթացքում երեք անգամ։

Անալգետիկներ

Այդ խմբին են պատկանում անալգինը, բարալգինը, մինալգինը, նովալգինը և պերետինը, որոնք պետք է խմել օրվա ընթացքում 3-4 անգամ:

Նշված բոլոր դեղամիջոցները ժամանակավոր ազդեցություն են թողնում և չեն օգտագործվում որպես բուժման միջոց։ Ցանկացած դեղամիջոց օգտագործելուց առաջ պարտադիր խորհրդակցեք բժշկի հետ։

 

Աղբյուրը

Ինչպե՞ս պաշտպանվել վարակներից օրալ սեռական հարաբերության ընթացքում

Ինչպե՞ս պաշտպանվել վարակներից օրալ սեռական հարաբերության ընթացքում

Սեռական վարակներով հնարավոր է վարակվել նաև օրալ սեռական հարաբերության ժամանակ, ուստի պաշտպանությունը միշտ անհրաժեշտ է

Սխալ պատկերացումներ դաշտանի մասին, որոնցից ազատվելու ժամանակն է

Սխալ պատկերացումներ դաշտանի մասին, որոնցից ազատվելու ժամանակն է

Դաշտանը օրգանիզմը մաքրելու միջոց է Իրականում օրգանիզմը ոչ մի մաքրման կարիք չունի, և ոչ մի տոքսին չի հեռացվում դաշտանի միջոցով

Ամեն ինչ դաշտանի մասին. տարածված հարցերի պատասխաններ

Ամեն ինչ դաշտանի մասին. տարածված հարցերի պատասխաններ

Եթե որովայնը ցավում է դաշտանի ժամանակ, դա նորմա՞լ է

Ցածր լիբիդո. պատճառները

Ցածր լիբիդո. պատճառները

Լիբիդոյի կորուստը տարածված խնդիր է, որին բախվում է յուրաքանչյուր հինգերորդ տղամարդ և շատ կանայք՝ կյանքի ինչ-որ փուլում