Ինչպե՞ս անցկացնել հղիության թեստը

Ինչպե՞ս անցկացնել հղիության թեստը

Ժամանակակից թեստերն օգնում են ամենասեղմ ժամկետներում պարզել հղիության փաստը: Տեսնենք, թե ինչ սկզբունքով է աշխատում թեստը: Ինչպես գիտեք բեղմնավորումից հետո արյան մեջ բարձրանում է ՄԽԳ-ի մակարդակը, ինչն էլ հենց վկայում է հղիության մասին:

Փաստացիորեն թեստն արձագանքում է մեզում առկա գոնադոտրոպինին. երբ ՄԽԳ-ի մակարդակը բարձրանում է, ռեակտիվ է հայտնվում թեստի երկրորդ գծիկի վրա: Հղի կնոջ օրգանիզմում ՄԽԳ-ն արտադրվում է սաղմի՝ արգանդի պատի մեջ ներդրվելուց անմիջապես հետո, նախ՝ արյան մեջ, ապա՝ մեզի: Ընդ որում՝ արյան մեջ խտությունն ավելի մեծ է, քան մեզի մեջ:

Ներդրումն իր հերթին կատարվում է ձվազատումից հետո 7-10-րդ օրը, սակայն պետք է հաշվի առնել, որ հորմոնի մակարդակն աստիճանաբար է աճում և օրեցօր մեծանալով հասնում է մի ցուցանիշի, որը ճանաչելի է լինում թեստի համար: Հենց այդ պահն էլ որոշում է ժամանակային սահմանները: Այսինքն՝ թեստը կարող է մեզում հայտնաբերել գոնադոտրոպին հորմոնի առկայությունը վերջին ձվազատման օրվանից 11-15 օր հետո միայն: Որքան բարձր է թեստի զգայունակության շեմը, այնքան վաղ կարող է որոշել հղիության առկայությունը:

Կարդացեք՝ Մարդու խորիոնային գոնադոտրոպինը հղիության ընթացքում

Ե՞րբ անցկացնել հղիության թեստը դաշտանային անկանոն ցիկլի դեպքում

Դաշտանի անկանոն ցիկլի պարագայում թեստի սխալի հավանականությունը մեծանում է: Ժամանակից շուտ արված թեստը կարող է կեղծբացասական արդյունք ցույց տալ. չէ՞ որ հղիության վաղեմության ժամկետը կարող է շատ փոքր լինել ռեակտիվ գծիկի արձագանքման համար: Իմաստ չունի հղիության որոշման թեստն անցկացնել նախքան դաշտանի ուշացումը:

Կարդացեք՝ Ինչու են հղիության թեստերը երբեմն սխալ արդյունք ցույց տալիս

Թույլատրելի ամենավաղ ժամկետը ձվազատումից երկու շաբաթ հետոն է, ընդ որում՝ որպես ուղենիշ պետք է վերցնել ամենաերկար տևողությամբ ցիկլը: Եթե չեք հետևում այդ պրոցեսին, ապա խորհուրդ է տրվում թեստն անցկացնել դաշտանի ուշացումից հետո և մեկ շաբաթ անց կրկնել:

Ո՞րն է անցկացման ճիշտ ձևը

Անկախ ցիկլի անկանոնությունից և կնոջ օրգանիզմի առանձնահատկություններից՝ թեստի հավաստիությունն ավելի բարձր կլինի, եթե պահպանվեն մի շարք կանոններ: Արտադրողի կողմից նշված ցուցումների խախտումը կարող է հանգեցնել կեղծ արդյունքի: Համարվում է, որ առավոտյան անցկացրած թեստն ավելի հավաստի է, քանի որ ՄԽԳ-ի խտությունն առավոտյան մեզում ամենաբարձրն է:

Եթե դաշտանը շատ է ուշացել, ապա կարելի է թեստն անցկացնել օրվա ցանկացած ժամի: Պարտադիր պայման է ստերիլության կանոնների պահպանումը. Հետազոտվող հեղուկի մեջ ոչ մի օտար մարմին չպետք է հայտնվի, ուստի հարկավոր է նախապես մանրակրկտորեն լվանալ ձեռքերը և չորացնել: Բացի այդ, հարկավոր է նախապատրաստել հետազոտման նյութի հավաքման մանրէազերծ տարա:

Թեստը հարկավոր է ընկղմել մեզով լի տարայի մեջ այնքան, որքան նշված է թեստի վրա և այն կողմով, որտեղ նշում կա (որտեղ պարունակվում է ռեակտիվ նյութը): Պետք չէ գնահատել թեստի արդյունքն արտադրողի նշած ժամանակից շուտ (սովորաբար 5րոպեն է) կամ ուշ:

Կարդացեք՝ Ձվազատման թեստ. ինչպես կիրառել

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար